II Sam 6:20 - Sơ̆p Hlabơar Nơ̆r 'Bok Kei-Dei

²⁰ Đawit kư̆m dai brŏk wă sơkat pŭn hiôk kơ hnam dơnŏ sư kơdih; mă-lei Mikal kon adruh Sôl, năm sơng Đawit, na khan: “Năr 'nâu pơtao đe Isơrael pơm kơdih akâu wă kơ đei ư-ang, mah suang akâu hoh 'bơ̆t anăp lu đam drŏ-kăn sư, pơm thoi bơngai ưh kơ rơ-a kiơ!”

II Sam 6:20 Referans Kwoze

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

Lu 9:4

Lu sư ăn kơ Abimêlek tơpơh-jĭt hlak hu iŏk đơ̆ng lăm hnam yang Baal Bêrit; Abimêlek iŏk jên noh chă apah kơ lu bơngai răm-'băm pơm kư̆ kă kiơ̆ sư.

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Jop 30:8

Lu adrĕch ưh kơ gơh yua anăn sơnăm ưh kơ đei. Đe areh teh pơpuh tơlĕch lê̆ đơ̆ng lăm char.

I Ho 16:43

Đĭ-đăng lu kon pơlei wih brŏk tơ hnam lu sư kơdih; gah Đawit wih tơ hnam wă sơkat pŭn hiôk kơ hnam dơnŏ sư.

II Sam 6:18

Kơplah Đawit pơyơ̆r tơmam soi 'buh pơkhôi păng tơmam soi et sa chơt hiôk, na sư yua anăn Kră Yang Tih Hloh tuh ăn pŭn hiôk kơ kon pơlei;

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Yo 13:6

Lăp truh tơ Pêtrôs, Pêtrôs jet Sư thoi âu: “Ơ 'Bok, Ih wă ôp kiơ kơ jơ̆ng inh?”

Markôs 14:66

Pêtrôs oei ngôi 'bơ̆t cham hnam, đei minh 'nu drŏ-kăn đĭch đam 'bok soi tơm năm tơ ei.

I Sam 14:49

Pơtao Sôl đei pêng 'nu kon drŏ-nglo Jônathan, Iswi păng Malkisua, sư kư̆m đei 'bar 'nu kon drŏ-kăn; 'lŏ anăn Mêrap, 'lơ̆p anăn Mikal;

II Sam 6:19

Sư asong kơ đĭ-đăng kon pơlei Isơrael, lu tơpôl lăm Isơrael mă drŏ-nglo dah drŏ-kăn, minh 'nu minh pôm 'bĕng mi minh kơnăt 'nhĕm phang, hăm minh tơpei 'bĕng hơmu kro, đơ̆ng noh, đĭ-đăng lu sư brŏk tơ hnam sư kơdih.

Bôk Bơthô 7:17

'Nĕ kiơ̆ lu trong pơm kơnê̆ păng 'nĕ kơ oei sa thoi bơngai kơtul bơlŭk; đei yua kiơ rai jah lôch adrol kơ jơ 'năr hơgăt.

I Sam 18:20

Mă-lei Mikai, kon drŏ-kăn Sôl, hưch kơ Đawit. Sôl băt tơdrong noh, na jơhngơ̆m sư lăp đon.