II Sam 6:13 - Sơ̆p Hlabơar Nơ̆r 'Bok Kei-Dei

¹³ Lăp lu bơngai tung Hom pơgơ̆p Kră Yang 'Bok Kei-Dei năm tơdrâu yak na Đawit pơyơ̆r minh pôm rơmo tơno păng rơmo kon bek pơm tơmam soi.

II Sam 6:13 Referans Kwoze

I Ho 15:15

Lu bơngai Lêwi iŏk 'long tơnung tung Hom Pơgơ̆p Kră Yang 'Bok Kei-Dei tơ kơpal hơngiĕng, thoi Môis bơtho khan kiơ̆ kơ nơ̆r Kră Yang.

I Pot 8:5

Pơtao Sôlômôn păng đĭ-đăng kon pơlei Isơrael minh pôm jơhngơ̆m đon akŭm hơdai, đĭ-đăng dơ̆ng 'bơ̆t anăp Hom Pơgơ̆p; sư 'bet rơmo păng triu lơlap pơm tơmam soi pơyơ̆r, dĭng mah pă kĕ jô̆.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

Jôsuê 3:3

Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

II Ho 5:6

Pơtao Sôlômôn păng đĭ-đăng lu bơngai Isơrael akŭm hơdai pơtao dơ̆ng 'bơ̆t anăp Hom Pơgơ̆p, lu sư pơyơ̆r triu, rơmo wă pơm tơmam soi lơ dêh, ưh pă kĕ chih jô̆.

Mathiơ 22:4

'Bok pơtao wơh dơ̆ng lu bơngai jang kơ sư nai năm krao păng khan kơ lu bơngai mă sư wơ̆n ei thoi âu: ‘Inh hơmet tơmam sa đang boih, dang ei oei chang gô iĕm; inh đei 'buh sa rơmo bek na dôm tơmam wă sŏng sa hơmet đang boih, apinh iĕm năm sŏng sa bĕ.’