II Sam 5:3 - Sơ̆p Hlabơar Nơ̆r 'Bok Kei-Dei

³ Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Sam 5:3 Referans Kwoze

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

I Sam 23:18

'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

Lu 11:11

Thoi noh Jeptha năm hơdai hăm lu kră char Gileat. Kon pơlei pơk sư pơm yŏng linh păng wei-lăng pơgơ̆r lu sư. Jeptha pơma dơ̆ng dôm nơ̆r sư pơkă pơkăm noh 'bơ̆t anăp Kră Yang tơ pơlei Mispa.

Ne 9:38

Mă đei thoi noh, lu nhôn pơm minh tơdrong pơkăm pơkă pơgơ̆p kơjăp sĭt, chih răk lăm sơ̆p hla bơar, lu kră pơgơ̆r, bơngai Lêwi păng 'bok soi lu nhôn gô chơ̆m tơdra pơsĭt.

II Ho 23:16

Jêhôiada pơgơ̆p hăm lu kon pơlei păng pơtao, wă kơ lu sư jing kon pơlei pơla Kră Yang.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

I Sam 11:15

Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Jôsuê 10:36

Đơ̆ng noh, Jôsuê hăm lu linh Isơrael đơ̆ng pơlei Eglôn tŏk năm tơ pơlei Hêbrôn wă năm blah pơlei noh,

I Pot 1:34

Tơ noh bre 'bok soi Sadok hăm Nathan bơngai khan lê̆ adrol tuh đak rơmă 'bâu phu pôk sư pơm pơtao Isơrael, lu iĕm hlôm tơgiĕp na jreo re khan: Pơtao Sôlômôn arih sot!

I Ho 11:1

Đĭ-đăng bơngai Isơrael akŭm hơdai hăm Đawit tơ Hêbrôn păng khan: “Lu nhôn âu jơ̆ kơting sĕch akar ih.

II Sam 2:7

Hơpơi kơ lu iĕm đei jơhngơ̆m nuih kơtang khŏm tơ'bôh ăn kơ đe iĕm jing bơngai nuih kơtang, yua kơ Sôl yŏng iĕm đĭ lôch boih; păng lu bơngai Juđa đei tuh đak rơmă pôk inh pơm pơtao lu sư.”

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.