II Sam 5:10 - Sơ̆p Hlabơar Nơ̆r 'Bok Kei-Dei

¹⁰ Đawit rai đunh rai pran kơtang yua kơ Kră Yang 'Bok Kei-Dei Tih Hloh oei hơdai sư.

II Sam 5:10 Referans Kwoze

II Sam 3:1

Đei tơdrong tơblah đunh tơpă khŭl Đawit hăm khŭl Sôl, gah khŭl Đawit rai đunh rai pran, na gah khŭl Sôl rai đunh rai rơdu tơrăn.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Luka 2:52

Na Yêsu 'brư̆ kơ khei 'brư̆ kơ sơnăm rai 'lŏ rai hơgei, mă 'Bok Kei-Dei mă kon bơngai kư̆m lăp đon kơ Sư ngăl.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Bl 21:22

Lăm char noh, pơtao Abimêlek hăm Pikôl, kră pơgơ̆r linh sư, khan kơ Abraham thoi âu: “Kră Yang 'Bok Kei-Dei kư̆m tơgŭm ih lăm dôm tơdrong ih jang.

Horiso 24:10

Pơtao ư-ang âu bu? Noh boih Kră Yang Tih Hloh. Sư boih pơtao ư-ang mơsêh mơyang Tih Hloh lăm anih tơblah. Sêla

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.

I Sam 18:12

Sôl hli kơ Đawit, yua kơ Kră Yang oei hơdai hăm Đawit, na achăng lê̆ sư.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

II Sam 7:9

Inh đei oei hơdai hăm ih, lăm rim anih ih năm pơrăm lê̆ lu ayăt kơ ih đơ̆ng anăp ih; Inh gô ăn kơ anăn ih đe ư-ang tih kư̆m thoi anăn bơngai yŏng mơng lăm teh đak.

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.