II Sam 3:9 - Sơ̆p Hlabơar Nơ̆r 'Bok Kei-Dei

⁹ Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

II Sam 3:9 Referans Kwoze

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

I Ho 12:23

'Nâu lu bơngai linh năm tơ Hêbrôn, wă ăn teh đak Sôl kơ Đawit, kiơ̆ thoi nơ̆r Kră Yang.

I Sam 28:17

Kră Yang pơm kiơ̆ thoi nơ̆r sư đei khan boih. Kră Yang pơdrâu iŏk teh đak đơ̆ng tơpang ti ih na ăn kơ bơngai nai noh jơ̆ Đawit.

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 3:17

Hêli jet: Kră Yang đei pơma bơtho tơdrong kiơ hăm ih? Ih 'nĕ ôn kơ inh ôh. Tơdah ih ôn lăm dôm nơ̆r mă Kră Yang đei pơma dơnuh bơtho hăm ih, apinh Kră Yang 'Bok Kei-Dei phak ih mă trăp.

II Sam 19:14

Pơtao Đawit pơm lăp đon kơ đĭ-đăng bơngai Juđa, lu sư minh jơhngơ̆m đon wơh bơngai năm wơ̆n pơtao: “Apinh pơtao hăm đĭ-đăng đĭch đam pơtao wih brŏk bĕ.”

I Pot 2:23

Pơtao Sôlômôn yua hăm anăn Kră Yang pơkăm khan: “Apinh Kră Yang 'Bok Kei-Dei pơm kơ inh phak inh mă trăp thoi Sư wă, tơdah Adonija ưh kơ lôch ôh yua kơ tơdrong sư apinh 'nâu.