II Sam 3:35 - Sơ̆p Hlabơar Nơ̆r 'Bok Kei-Dei

³⁵ Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

II Sam 3:35 Referans Kwoze

II Sam 12:17

Lu kră bơngai bơ̆jang đunh lăm hnam pơtao dơ̆ng tăp dăr tơiung sư đơ̆ng teh; mă-lei sư ưh kơ wă iung păng ưh kơ wă sŏng sa hơdai lu đe noh.

II Sam 1:12

Lu sư tŭr kơtơh, nhơ̆m hmoi, hăm ơ̆t kơ sŏng sa truh tơ kơsơ̆, wă wang ơh sơ'ngon kơ Sôl hăm kon sư Jônathan, hăm yua kơ kon pơlei Kră Yang păng adrĕch Isơrael, yua kơ lu bơngai 'nâu pơ̆k lôch lăm anih tơblah.

Je 16:7

Ưh kơ đei bu chĕp por 'nhot năm sŏng sa hơdai pơlung yua kơ đei bơngai lôch, kư̆m ưh kơ đei bu hling đak nhă pơlung lu sư sơ'ngon kơ mĕ dah 'bă lu sư lôch.

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

Êsêkiên 24:22

Lu iĕm gô pơm thoi inh hlôi pơm; lu iĕm ưh kơ gom 'bơ̆r păng 'nĕ sa 'bĕng lu bơngai năm hơpong pơlung.

II Sam 3:9

Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

I Sam 3:17

Hêli jet: Kră Yang đei pơma bơtho tơdrong kiơ hăm ih? Ih 'nĕ ôn kơ inh ôh. Tơdah ih ôn lăm dôm nơ̆r mă Kră Yang đei pơma dơnuh bơtho hăm ih, apinh Kră Yang 'Bok Kei-Dei phak ih mă trăp.

II Sam 3:34

Ti ih ưh kơ đei chô̆, jơ̆ng ih kư̆m ưh kơ đei hơnuh. Ih pơ̆k lôch thoi kơ bơngai pơ̆k lôch 'bơ̆t anăp lu bơngai chă pơlôch kư̆ kă.” Na đĭ-đăng bơngai nhơ̆m hmoi kơ sư dơ̆ng.

II Sam 3:36

Kon pơlei wang drơ̆ng na lăp đon kơ tơdrong noh, kư̆m thoi lu sư ngăl juăt kơ lăp đon dôm tơdrong kiơ pơtao pơm.

Lu 20:23

Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

I Ho 10:12

na lu sư minh jơhngơ̆m minh đon hơdai iung năm tŏk tơtông iŏk akâu pơtao Sôl păng akâu lu kon drŏ-nglo sư chĕp wih tơ Jabes, 'bŭ kơting lu sư tơ ala tơm 'long kôih tơ Jabes, lu sư grong ơ̆t kơ sŏng sa tơpơh năr.