II Sam 3:34 - Sơ̆p Hlabơar Nơ̆r 'Bok Kei-Dei

³⁴ Ti ih ưh kơ đei chô̆, jơ̆ng ih kư̆m ưh kơ đei hơnuh. Ih pơ̆k lôch thoi kơ bơngai pơ̆k lôch 'bơ̆t anăp lu bơngai chă pơlôch kư̆ kă.” Na đĭ-đăng bơngai nhơ̆m hmoi kơ sư dơ̆ng.

II Sam 3:34 Referans Kwoze

Hôsia 6:9

Thoi lu bơngai kơnê̆ răp lu bơngai yak rok trong ei, lu 'bok soi kư̆m wang pơm; thoi noh mơ̆n lu sư pơlôch bơngai rok trong năm tơ pơlei Sichem, tơpă lu sư pơm boih tơdrong kơnê̆ dêh!

Jop 24:14

'Nao 'brưch bơngai pơlôch đe iung, pơlôch lu bơngai dơnuh hin păng hoh răm; Tơ kơmăng lu sư thoi lĕ bơngai tơtông.

II Sam 1:12

Lu sư tŭr kơtơh, nhơ̆m hmoi, hăm ơ̆t kơ sŏng sa truh tơ kơsơ̆, wă wang ơh sơ'ngon kơ Sôl hăm kon sư Jônathan, hăm yua kơ kon pơlei Kră Yang păng adrĕch Isơrael, yua kơ lu bơngai 'nâu pơ̆k lôch lăm anih tơblah.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

II Sam 3:33

Pơtao hmoi jô̆ hơdrĭ kơ Apner: “Liơ Apner ih lôch thoi bơngai kơhlôh kơwao.

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

Êsêkiên 32:16

Âu boih tơdrong nhơ̆m hmoi; lu sư gô hơri pôk. Lu kon drŏ-kăn lăm jơ̆p kơ dêh char gô hơri 'bai nhơ̆m hmoi noh, lu sư gô hơri 'bai hơri nhơ̆m hmoi kơ char Êyiptơ. Păng ăn kơ đĭ-đăng kon pơlei lu sư, Kră Yang khan thoi noh.”