II Sam 3:27 - Sơ̆p Hlabơar Nơ̆r 'Bok Kei-Dei

²⁷ Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

II Sam 3:27 Referans Kwoze

I Pot 2:5

Ih băt mơ̆n tơdrong kiơ Jôap kon drŏ-nglo Sêruia pơm boih kơ 'bă păng pơm boih kơ 'bar 'nu yŏng linh Isơrael, Apner kon drŏ-nglo Nêr păng Amasa kon drŏ-nglo Jêther, sư pơlôch bre noh kơplah rơngei hiôk-hian nhen thoi kơplah oei tơblah wang hrang tơ'bet, pham oei klep 'bơ̆t tơlei tơ̆n sư păng tơ chơkhŏ sư oei 'bot.

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

Je 41:2

Ismael kon drŏ-nglo Nethania hăm lu mơjĭt 'nu kiơ̆ sư iung pơlôch Gêđalia kon drŏ-nglo Ahikam sâu Saphan hăm đao gưm, bơngai mă pơtao Babilôn pôk sư pơm yŏng pơgơ̆r dêh char Juđa.

Both 27:24

Hiap pơtê̆ bĕ kơ bơngai bu teh pơlôch ôn kon pơlei sư! Đĭ-đăng kon pơlei gô khan: A-men!

Jo 35:20

Dah đei bu mă yua kơ klai areh na tơlơ̆ đe, dah pơrơ̆ng klơ̆m hăm tơmam kiơ, yua kơ tơdrong noh na đe lôch;

II Sam 3:26

Đang kơ pơma hăm Đawit Jôap weh, wơh hloi bơngai druh 'moi Apner wă kơ tam druh tam tơ đak sơlŭng Sira, lu sư pơtơm Apner brŏk hơlơ̆k, sơmă Đawit ưh kơ băt.

II Sam 3:28

Đơ̆ng rŏng kơ Đawit băt boih, na sư khan: “Inh hăm dêh char pơtao inh ưh kơ đei layơ yoch 'bơ̆t anăp Kră Yang kơ pham Apner, kon tơdăm Nêr.

II Sam 4:1

Băt kơ Apner lôch boih tơ Hêbrôn, Isbôset kon drŏ-nglo pơtao Sôl jơhngơ̆m sư tơtơ̆ păng đĭ-đăng bơngai Isơrael rŭng răng hli tơrơ.

II Sam 13:26

Apsalôm pơma dơ̆ng: “Tơdah pơtao ưh kơ năm, apinh ăn Amnôn, 'nhŏng inh, năm ngôi tơ nhôn.” Pơtao jet: “Kơlih kơ kiơ sư athei năm?”

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

Jo 35:19

Lu bơngai iung kơting, gô pơlôch lu bơngai pơlôch đe; layơ lu bơngai wă iung kơting chă 'bôh tơ'bơ̆p lu bơngai mă pơlôch sư athei pơlôch hloi.

I Ho 27:21

Iđô, kon drŏ-nglo Sachari bơngai wei-lăng minh puăt adrĕch adrung Manase tơ dêh Gileat. Jaasiel kon drŏ-nglo Apner bơngai wei-lăng adrĕch Bênjamin.

Tơdrông Pơđơk 26:26

Mă sư ôn hlơp tơdrong hil chă pơm pơrŏ, Tơdrong trŏ khĕnh hơwĕng sư gô lĕch tơ tơpôl 'bôh.