II Sam 24:3 - Sơ̆p Hlabơar Nơ̆r 'Bok Kei-Dei

³ Jôap tơl: “Apinh Kră Yang 'Bok Kei-Dei ih, ăn kơ ih đei minh khŭl linh tơpôl lơ hloh kơ hrĕng wơ̆t khŭl linh mă đei dang ei. Apinh ăn kơ măt ih kơdih yŏng tơ'ngla inh gơh 'bôh tơdrong noh. Mă-lei liơ pơtao yŏng tơ'ngla inh 'maih pơm tơdrong 'nâu?”

II Sam 24:3 Referans Kwoze

Both 1:11

Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Horiso 115:14

Apinh Kră Yang ăn kơ iĕm hrôh ngôh. Ăn kơ lu iĕm păng lu kon sâu iĕm.

Êsai 60:5

Kơplah noh kơnh ih gô 'bôh đei tơdrong hơdah hơdong, jơhngơ̆m ih gô mơn hiôk chơt; đĭ-đăng tơmam đơ̆ng đak dơsĭ gô tuh tơ ih, tơdrong mơdrŏng rim kơ teh đak gô truh tơ ih.

Tơdrông Pơđơk 14:28

Kon pơlei đei lơ noh jing ư-ang kơ pơtao. Bơngai kơtuei kon pơlei tŏ sĕt noh răm kơ bơngai pơgơ̆r.

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Sam 24:4

Lei ră nơ̆r pơtao pơkă, ưh kơ đei tơplih, na Jôap păng lu yŏng linh, khŏm athei năm jô̆ kơ̆l kon bơngai jơ̆p kơ teh đak Isơrael.