II Sam 24:25 - Sơ̆p Hlabơar Nơ̆r 'Bok Kei-Dei

²⁵ Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

II Sam 24:25 Referans Kwoze

II Sam 21:14

Chĕp ba 'bŭ hơdai hăm kơting pơtao Sôl păng Jônathan kon pơtao, tơ Sêla lăm teh đak Bênjamin lăm bơsat Kis 'bă pơtao Sôl. Đơ̆ng rŏng kơ lu sư jang keh dôm tơdrong pơtao pơkă, Kră Yang 'Bok Kei-Dei tơl tơwih nơ̆r pơtao krao apinh păng tuh tơdrong pŭn hiôk ăn kơ teh đak.

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

I Sam 7:9

Samuel rôp minh pơm triu kon oei mŏm, pơyơ̆r pơm tơmam soi 'buh kơ Kră Yang. Sư krao khan apinh Kră Yang; Kră Yang tơl nơ̆r sư.

Bl 22:9

Bre sư năm truh tơ anih mă Kră Yang 'Bok Kei-Dei tơ'bôh ăn; tơ noh Abraham hơmet chơnang soi, dan 'long ŭnh, chô̆ Isăk mă kon sư, dan sư tơ kơpal 'long ŭnh tơ kơpal chơnang soi.

Lu 21:4

Pơgê năr đơ̆ng rong lu kon pơlei pơla iung đơ̆ng hrôih pơm minh pơm chơnang soi păng pơyơ̆r tơmam soi 'buh păng pơyơ̆r tơmam soi 'blŏk bơnê.

I Sam 13:9

Sôl khan: Athei ba kơ inh tơmam soi 'buh păng tơmam soi 'blŏk bơnê; na sư pơyơ̆r tơmam soi 'buh.

I Sam 14:35

Na Sôl pơdơ̆ng hloi minh pơm chơnang soi kơ Kră Yang 'nâu mă blŭng-a mă sư pơm chơnang soi wă kơkuh kơ Kră Yang.

I Pot 1:1

Pơtao Đawit đĭ kră sơnăm đĭ kơjung boih, mă khan đe pơhrŭk ăn hơbĕn ao kơ sư lơ hơdôm blah ră mă-lei sư oei ưh kơ tơnŏ.

Êsêkiên 16:42

Tơdrong hil Inh gô ngach, tơdrong Inh gar ih ưh pă đei boih, Inh gô oei hiôk ưh pă hil dơ̆ng.

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Jo 17:13

Dah bơngai bu mă năm jê̆ bơsŭn Kră Yang gô lôch, na lu nhôn gô lôch đĭ hă?

Lu 6:24

Giđêôn pơm minh pơm chơnang soi kơ Kră Yang tơ noh. Păng anăn anih noh Kră Yang Ăn Hiôk-Hian. Chơnang noh oei đei truh tơ năr 'nâu tơ pơlei Ôphra, lăm dêh lu bơngai Abierit.