II Sam 24:13 - Sơ̆p Hlabơar Nơ̆r 'Bok Kei-Dei

¹³ Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

II Sam 24:13 Referans Kwoze

I Ho 21:12

Pêng sơnăm pơngot rơwĕt dah pêng khei đei lu ayăt blah pơrăm đĭ, dah pêng năr đei đao gưm Kră Yang phak, đei tơdrong jĭ lôch hơbuh lăm char ih, linh jang 'lơ̆ng đơ̆ng Kră Yang pơrăm jơ̆p-jang dêh char Isơrael. Dang ei ih rơih iŏk ayơ wă kơ inh wih roi kơ Tơ'ngla mă wơh inh năm.

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

Both 28:35

Kră Yang gô ăn kơ iĕm jĭ pơtôch đuh tơ kŭl-tăng păng tơ 'bar pah jơ̆ng jĭ dêh, hơmet ưh kơ gơh klaih, lanh rai să đơ̆ng kơnơl jơ̆ng truh tơ kơpal kơ̆l.

Both 28:27

Kră Yang gô ăn kơ iĕm jĭ pơtôch đuh đơ̆ng dêh Êyiptơ, pơ'ngeh đek, rơka tơlŏng, đơđik, lu iĕm hơmet ưh kơ klaih.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Horiso 91:6

Kŭm huay kơ hli tơdrong jĭ hơbuh truh lăm măng mu. Dah tơdrong đe pơlôch pơrăm kơplah 'năr dơ̆ng.

II Sam 24:12

“Ih athei năm khan kơ Đawit: ‘Kră Yang khan thoi âu: Inh đei pêng tơdrong wă hơmet ih. Inh ăn kơ ih rơih iŏk minh lăm pêng tơdrong noh, Inh gô kiơ̆ kơ noh na hơmet ih.’ ”

Le 7:25

Đơ̆ng rŏng kơ noh dang tơpơh năr.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”