II Sam 23:6 - Sơ̆p Hlabơar Nơ̆r 'Bok Kei-Dei

⁶ Mă-lei lu khŭl bơngai kơnê̆, đĭ-đăng lu sư tă kơ buch hŭt lê̆ thoi lĕ tơm jơla ưh kơ đei bơngai bu pơ̆n kơđôp lu sư lăm tơpang ti.

II Sam 23:6 Referans Kwoze

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Êsai 33:12

Lu kon pơlei gô nhen thoi chŭr tơmo ŭnh sa, nhen jơla đe chong soh lăm ŭnh.”

Hơri Hiôk 2:2

Pơyô inh oei tŏk-bŏk lu bơngai adruh, Thoi pơkao kok jơk oei tŏk-bŏk tơm jơla.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Bl 3:18

Teh gô chăt lu jơla păng 'long bơmrôm, păng ih gô sa tơmam chăt đơ̆ng lăm mir pơgar;

Êsai 27:4

Inh ưh kơ hil ôh mă-lei tơdah sư đei jơla bơmrôm păng lu jơla hro 'bơ̆t anăp Inh. Inh gô blah lu sư, Inh gô soh lu sư lăm ŭnh hơdai.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.