II Sam 22:49 - Sơ̆p Hlabơar Nơ̆r 'Bok Kei-Dei

⁴⁹ Ih dŏng pơklaih inh đơ̆ng lu bơngai ayăt, ăn kơ inh kĕ jei blah lu bơngai ayăt. Dŏng pơklaih inh đơ̆ng lu bơngai pơm kơnê̆.

II Sam 22:49 Referans Kwoze

Horiso 140:1

Ơ Kră Yang, apinh Ih dŏng pơklaih inh đơ̆ng lu bơngai pơm kơnê̆. Dŏng inh đơ̆ng bơngai pơm kơnê̆ dêh.

Horiso 140:4

Ơ Kră Yang, apinh Ih wei inh klaih đơ̆ng ti lu bơngai pơm kơnê̆, Dŏng inh đơ̆ng lu bơngai pơm kơnê̆ dêh. Lu bơngai chă đon wă tơpơ̆k inh.

Horiso 52:1

Ơ bơngai nuih pran, liơ ih pơang kơdih tơdrong kơnê̆. Tơdrong 'mêm mơnat Kră Yang 'Bok Kei-Dei oei oei ling-lang.

Horiso 18:48

Sư dŏng pơklaih inh đơ̆ng lu ayăt; Tơpă Kră Yang hơtŏk inh jing kơjung hloh kơ lu ayăt kơ inh, Sư pơklaih inh đơ̆ng lu bơngai pơm kơnê̆.

II Sam 5:12

Kơplah noh pơtao Đawit băt boih kơ Kră Yang pôk sư pơm pơtao Isơrael, păng ăn kơ teh đak sư pơgơ̆r đe pơyom yua kơ đei lơi yua kơ kon pơlei Isơrael Sư.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

Jo 24:7

Đak gô ro đơ̆ng thŭng blai lah lai truh tơ 'nguaih, găr adrĕch lu sư gô oei tơ lăm anih đei đak, Pơtao sư jing tih hloh kơ Agak. Dêh char sư rai să rai tih,

Horiso 44:5

Yua kơ đơ̆ng Ih lu nhôn puh tơlơ̆ lu ayăt kơ nhôn. Hăm anăn Ih, lu nhôn gô pơjuă lu ayăt mă blah lu nhôn.

II Sam 18:31

Bơngai Kus truh hloi păng khan: “'Nâu jơ̆ minh tơdrong 'nao tơbăt ăn kơ pơtao păng yŏng tơ'ngla inh. Dang ei Kră Yang 'Bok Kei-Dei hơmet 'lơ̆ng tơpăt ăn kơ pơtao păng dŏng pơklaih pơtao đơ̆ng lu bơngai iung blah ayăt hăm pơtao.”