II Sam 22:44 - Sơ̆p Hlabơar Nơ̆r 'Bok Kei-Dei

⁴⁴ Kon pơlei blah plơ̆ inh, Kră Yang dŏng pơklaih inh đơ̆ng tơdrong noh. Ih dan inh pơm kơ̆l kơ lu teh đak, kon pơlei mă inh ưh kơ băt noh, chu yom kơ inh.

II Sam 22:44 Referans Kwoze

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

II Sam 3:1

Đei tơdrong tơblah đunh tơpă khŭl Đawit hăm khŭl Sôl, gah khŭl Đawit rai đunh rai pran, na gah khŭl Sôl rai đunh rai rơdu tơrăn.

II Sam 19:14

Pơtao Đawit pơm lăp đon kơ đĭ-đăng bơngai Juđa, lu sư minh jơhngơ̆m đon wơh bơngai năm wơ̆n pơtao: “Apinh pơtao hăm đĭ-đăng đĭch đam pơtao wih brŏk bĕ.”

II Sam 19:9

Lăm lu adrĕch adrung Isơrael lu sư pơđâu băl khan: “Pơtao dŏng pơklaih boih lu bơ̆n đơ̆ng ti bơngai ayăt kơ lu bơ̆n, păng sư đei pơklaih lu bơ̆n đơ̆ng ti lu bơngai Philistin. Na dang ei, sư mah kơdâu ôn đơ̆ng dêh char yua kơ Apsalôm.

Both 28:13

Kră Yang gô pôk iĕm jing kơ̆l ưh kơ trŏ kiĕng ôh, tơdah iĕm chu mơ̆ng kiơ̆ dôm nơ̆r tơtă đơ̆ng Kră Yang 'Bok Kei-Dei mă năr 'nâu inh bơtho khan ăn kơ iĕm, iĕm gô oei adrol tơ kơpal ling-lang, ưh kơ trŏ tuch-luch dah oei tơ kơđeh.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Rom 15:12

Êsai sơ̆ sư kư̆m khan thoi âu: “Đơ̆ng adrĕch adrung Jesê gô đei minh 'nu bơngai iung pơgơ̆r tôm kơ khŭl kon bơngai jơ̆p kơ teh đak. Đĭ-đăng kon bơngai gô gơnang kơ 'Bok ei.”

Rom 9:25

Tơdrong noh sơ̆ 'bok Hôssê kư̆m chih roi nơ̆r 'Bok Kei-Dei thoi âu: “Lu bơngai tơmoi nai mă ưh kơ trŏ kơ khŭl kon Inh, Inh kư̆m krao lu sư kon Inh mơ̆n. Lu bơngai mă Inh ưh kơ gan 'mêm sơ̆, Inh gô 'mêm kơ sư tơpă.

Hôsia 2:23

Inh gô rei pơtăm lu sư ăn kơ Inh lăm teh đak păng Inh gô 'mêm mơnat kơ lu bơngai âu mă Inh khan: “Lu sư bơngai mă Inh ưh kơ 'mêm mơnat.” Păng kơ lu bơngai mă Inh đei khan: Iĕm ưh kơ sĭ kon pơlei Inh. Inh gô khan: “Iĕm kon pơlei Inh.” Na lu sư gô tơl: “Ih boih Kră Yang 'Bok Kei-Dei nhôn.”

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Êsai 65:1

Lu bơngai mă ưh kơlah krao apinh Inh, na Inh pơdah akâu kơ lu sư bơih. Lu bơngai mă ưh kơlah chơchă Inh na tơ'bơ̆p Inh bơih. Inh khan hăm minh adrĕch adrung kon pơlei nai ưh kơ đei krao chă anăn Inh: “Inh tơ âu, Inh tơ âu!”

Êsai 60:12

kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Horiso 110:6

Sư sek tơlang kơ đĭ-đăng dêh char, pơm kơ jơ̆p-jang anih đei hơtâu bơngai lôch. Kŭm gô juă bơhlơ̆r lu yŏng mơng jơ̆p lăm teh.

Horiso 18:43

Ih pơklaih inh đơ̆ng tơdrong kon pơlei blah pơjah hăm inh; Ih pơjing inh pơm kơ̆l kơ đĭ-đăng teh đak. Minh adrĕch adrung inh mă ưh kơ băt kơ inh gô bơ̆jang kơ inh.

Horiso 2:8

Apinh bĕ Inh, Inh gô ăn kơ ih lu teh đak jing teh ih jang sa. Păng jơ̆p-jang kơ teh jing tơmam ih

II Sam 20:22

Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.

II Sam 5:1

Đĭ-đăng adrĕch Isơrael năm tơ Đawit tơ Hêbrôn, na khan: “Lu nhôn 'nâu jing sĕch akar ih.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.