II Sam 22:42 - Sơ̆p Hlabơar Nơ̆r 'Bok Kei-Dei

⁴² Lu sư krao ôr wă kơ dŏng, mă-lei ưh kơ đei bu dŏng tơgŭm, Lu sư krao chă Kră Yang mă-lei Kră Yang ưh kơ đei tơl nơ̆r.

II Sam 22:42 Referans Kwoze

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Jop 27:9

Kơplah đei tơdrong răm truh, Kră Yang 'Bok Kei-Dei hăm mơ̆ng nơ̆r lu sư krao ôr?

Êsai 17:7

Lăm năr noh, kon bơngai gô tơchĕng 'blŏk gơnang kơ Tơ'ngla mă Pơjing sư, păng măt lu sư wơ̆t lăng tơ Kră Yang 'Lơ̆ng Rơgoh đe Isơrael.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.