II Sam 22:36 - Sơ̆p Hlabơar Nơ̆r 'Bok Kei-Dei

³⁶ Kră Yang thoi khêl dŏng pơklaih inh; Kră Yang tơjur akâu Sư tơ ala wă hơtŏk inh tơ kơpal.

II Sam 22:36 Referans Kwoze

Êphêsô 6:16

Athei chĕp khêl ling-lang wă tang akâu bơ̆n hli kơ 'brơ̆m ŭnh yang kơnê̆ prah 'bơm bơ̆n; 'noh wă pơtih gia kơ bơ̆n athei kơchăng hli kơ bơ̆n đei tơdrong pơhlŭ wă kơ bơ̆n oei kơjăp lăm tơdrong lui.

Horiso 115:14

Apinh Kră Yang ăn kơ iĕm hrôh ngôh. Ăn kơ lu iĕm păng lu kon sâu iĕm.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 18:35

Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.