II Sam 22:34 - Sơ̆p Hlabơar Nơ̆r 'Bok Kei-Dei

³⁴ Kră Yang ăn kơ jơ̆ng inh hơbĕch hơbal thoi jơ̆ng juei. Kră Yang dan inh dơ̆ng kơjăp kơpal kơ̆l kông.

II Sam 22:34 Referans Kwoze

Êsai 58:14

Kơplah noh iĕm gô đei chơt hiôk lăm Kră Yang, păng Inh gô ăn kơ iĕm tŏk hao lu anih kơjung hloh kơpal teh đak. Inh gô 'me rong iĕm hăm mŭk tơmam Jakôp 'bok iĕm.” 'Bơ̆r Kră Yang pơma thoi noh.

Both 32:13

Kră Yang ăn kơ lu sư oei tơ tơring groi kông; Rong lu sư hăm tơmam sa đơ̆ng lăm mir chŭn; Ăn sa đak sut iŏk đơ̆ng lăm tơmo tih. Păng đak rơmă lĕch đơ̆ng teh lăm tơmo.

Habakuk 3:19

Kră Yang jơ̆ Kră Yang tơdrong pran kơtang inh, Sư pơm ăn kơ jơ̆ng inh yak kơjăp thoi jơ̆ng juei; Sư chông ba inh yak năm lăm kơpal kông groi.

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

Êsai 33:16

Bơngai noh sư gô oei tơ lăm anih kơjung Sư gô kơ'nơp tơ lăm kông tơmo kơjăp tơmam sa sư rơkah rơkai, đak nhă sư mah ling-lang.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.