II Sam 22:18 - Sơ̆p Hlabơar Nơ̆r 'Bok Kei-Dei

¹⁸ Kră Yang dŏng pơklaih inh đơ̆ng lu bơngai ayăt pơm kơtang dêh. Hlôi kơ đơ̆ng lu bơngai areh kơ inh, yua kơ lu sư pran hloh kơ inh.

II Sam 22:18 Referans Kwoze

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Horiso 56:9

Năr inh krao apinh, lu ayăt kơ inh gô kơdŭn tơ rŏng; Inh băt kơ tơdrong 'nâu, Kră Yang 'Bok Kei-Dei oei hơdai inh.

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Sam 22:17

Đơ̆ng plĕnh kơjung Kră Yang chro ti rôp iŏk inh, dui hơtŏk inh đơ̆ng đak jrŭ.

II Sam 22:19

Lăm năr truh kơ inh pơmat-tat lu sư bruh tơ inh. Mă-lei Kră Yang dŏng tơgŭm inh.

Horiso 35:10

Lu kơting inh khan: “Ơ Kră Yang. Bu thoi Ih, Ih pơklaih lu bơngai tơrăn đơ̆ng lu bơngai pran hloh kơ sư. Tơgŭm lu bơngai pơmat păng lu bơngai dơnuh hoh kơđei đơ̆ng ti lu bơngai tơtông tơgar.”