II Sam 21:7 - Sơ̆p Hlabơar Nơ̆r 'Bok Kei-Dei

⁷ Pơtao Đawit wei lê̆ Mêphibôset, kon drŏ-nglo Jônathan, sâu tơm pơtao Sôl, yua kơ đei nơ̆r pơkă hăm Kră Yang gah bre pơtao Đawit hăm Jônathan, kon drŏ-nglo pơtao Sôl.

II Sam 21:7 Referans Kwoze

II Sam 4:4

Jônathan, kon tơdăm Sôl đei minh 'nu kon drŏ-nglo hơwen 'bar pah jơ̆ng. Lăp gơ̆p roi tơbăt Jônathan hăm Sôl lôch tơ Jêsreel, kơplah noh sư đĭ pơđăm sơnăm boih, bơngai rong tơmŏm sư pôk anhăk sư kơdâu ôn; kơplah sư kơdâu hăt hot sư huŏng đơ̆ng ti na jing jo. Anăn sư Mêphibôset.

I Sam 23:18

'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.

I Sam 20:15

Apinh ih oei wei tơdrong 'mêm ih hăm lu kon sâu nhôn ling-lang mă khan Kră Yang pơlôch pơđĭ lu bơngai ayăt kơ ih lăm kơpal teh âu.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

II Sam 9:10

Thoi noh ih hăm lu kon drŏ-nglo păng đĭch đam ih athei choh pơtăm teh mir noh ăn kơ sư, đei plei phe 'ba na yua iŏk 'me hnam dơnŏ yŏng tơ'ngla ih, mă-lei gah Mêphibôset sư gô oei sŏng sa hơdai inh pôm gơ'bang hlŏng hloi boih. Siba đei mơjĭt-pơđăm 'nu kon drŏ-nglo păng 'bar-jĭt 'nu đĭch đam.

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.

I Sam 20:17

Jônathan 'mêm kơ Đawit thoi 'mêm kơ akâu sư kơdih, na athei Đawit pơkă. Kŭm 'mêm kơ sư.

II Sam 19:25

Kơplah sư đơ̆ng pơlei Jêrusalem năm sơng pơtao, Đawit jet sư: “Ơ, Mephibôset, liơ ih ưh kơ năm hăm inh?”

II Sam 16:4

Pơtao pơma hăm Siba. “Lei na inh ăn kơ ih dôm tơmam, Mephibôset.” Siba tơl dơ̆ng: “Inh kơkuh bơnê kơ ih,” “apinh ăn kơ inh gơh lăp jơhngơ̆m ih yŏng tơ'ngla inh ling-lang.”

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

I Sam 20:12

Jônathan khan: Đei Kră Yang 'Bok Kei-Dei lu bơngai Isơrael pơm kơdranh! Dơning dah dơmônh, kư̆m lăm jơ 'nâu inh gô jet lăng 'bă inh, tơdah đei tơdrong kiơ 'lơ̆ng kơ ih, inh wơh bơngai năm roi ăn kơ ih băt.

II Sam 9:1

Đawit jet lăm hnam Sôl hăm oei đei bu oei arih ưh? Inh wă tơ'bôh jơhngơ̆m pơm 'lơ̆ng kơ sư yua kơ đơ̆ng Jônathan.

Bôk Bơthô 8:2

Chu yom bĕ kơ nơ̆r pơtao pơkă, yua kơ Kră Yang 'Bok Kei-Dei, pơkă wă wei-lăng pơtao.

I Sam 24:22

Đawit pơkă nơ̆r hăm Sôl. Sôl brŏk wih tơ hnam sư, gah Đawit hăm lu bơngai kiơ̆ sư hơlơ̆k tơ anih ôn kơ'nơp dơ̆ng.

II Sam 9:6

Lăp Mêphibôset, kon drŏ-nglo Jônathan, sâu tơm 'bok Sôl, truh tơ Đawit boih, na sư pơtăm kŭl-tăng kŭp drap tơ teh păng kơkuh. Đawit krao: Ơ Mêphibôset! Sư tơl: Kiơ đĭch đam ih âu.