II Sam 21:10 - Sơ̆p Hlabơar Nơ̆r 'Bok Kei-Dei

¹⁰ Yă Rispa kon drŏ-kăn Aiya, iŏk minh blah 'bi lơ̆k kơpal tơmo, păng yă ei oei tơ noh đơ̆ng bơyan yuă blŭng truh tơ đei 'mi đơ̆ng kơpal plĕnh jruh tơ kơpal akâu lu bơngai lôch. Kơ'năr yă ei ưh kơ ăn sem păr jruh kơpal akâu bơngai lôch, kơmăng yă ei ưh kơ ăn sem bri năm jê̆.

II Sam 21:10 Referans Kwoze

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

Sa 10:1

Apinh bĕ đak 'mi đơ̆ng Kră Yang kơplah bơyan 'mi wă tôch, na Kră Yang gô ăn kơmlat păng tơjur đak 'mi rơkah rơkai, wă ăn kơ rim 'nu bơngai đei hla 'nhot sa đơ̆ng mir.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Sam 3:7

Pơtao Sôl đei minh 'nu akăn kơnhŏng, anăn sư Ripba, kon adruh Aiyah. Isbôset kon drŏ-nglo pơtao Sôl chrih kơ Apner khan: Yua kơ kiơ ih năm tơ akăn kơnhŏng 'bă inh?

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Êsêkiên 39:4

Ih păng lu linh ih, hăm đĭ-đăng kon pơlei mă kiơ̆ ih gô pơ̆k kơpal groi kông Isơrael. Inh gô ăn kơ lu sem păr păng lu sem bri kăp sa.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Both 21:13

Sư gô plôh lê̆ ao bơnă, na oei lăm hnam iĕm nhơ̆m kơ mĕ 'bă sư lăm minh khei. Đơ̆ng noh iĕm gô năm oei kơ sư, pơm klo sư păng sư gô pơm akăn iĕm.

Both 11:14

Na Sư gô ăn đak 'mi jur trŏ kơ bơyan mă bơyan nê̆-năm mă bơyan puih, lu iĕm gô đei 'ba hơ'bo, sik hơmu 'nao păng đak rơmă plei 'long ôliwơ.

I Sam 17:44

Bơngai Philistin hơnganh: Năm tơ âu wăi, inh gô ăn sĕch ih kơ lu sem păr păng lu sem bri sa.

Bl 40:19

Oei pă pêng năr dơ̆ng, Pharaôn sek tơlang kơ ih, athei đe atol ih tơ 'long na sem jur sa sĕch ih.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

II Sam 21:11

Đei bơngai tơbăt ăn kơ pơtao Đawit dôm tơdrong yă Rispa, kon drŏ-kăn Aiya, akăn kơnhŏng pơtao Sôl, đei pơm.

Both 21:22

Tơdah minh 'nu bơngai bu pơm yoch tih trŏ kơ lôch, na đe pơlôch sư hloi păng hrek atol sư tơ 'long gơ̆ng,