II Sam 20:6 - Sơ̆p Hlabơar Nơ̆r 'Bok Kei-Dei

⁶ Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

II Sam 20:6 Referans Kwoze

I Pot 1:33

Pơtao khan kơ lu sư: “Chông ba lu đĭch đam inh mă yŏng tơ'ngla iĕm, hơdai hăm iĕm na iĕm hiŏng atŏk Sôlômôn kon drŏ-nglo inh kơpal aseh dăm inh, ba sư truh tơ pơlei Gihôn;

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 11:11

Uri tơl Đawit: “Hom pơgơ̆p lu linh Isơrael păng Juđa oei tơ lăm bơsŭn, Jôap yŏng tơ'ngla inh, hăm lu đĭch đam oei tơ bri, na inh wă brŏk tơ hnam sŏng sa păng tep hơdai păng akăn inh hă? Inh pơkă hăm ih, inh ưh kơ gơh pơm minh tơdrong thoi noh”

I Ho 18:12

Abisai kon drŏ-nglo Sêruia pơlôch mơjĭt-tơhngam rơbâu lu bơngai Eđôm lăm Thŭng dơnă 'Boh.

I Ho 11:20

Abisai, oh Jôap pơm yŏng kơ pêng 'nu bơngai nuih kơtang; sư yua tơju na blah pơlôch pêng-hrĕng 'nu bơngai, na đe ư-ang anăn sư thoi pêng 'nu 'noh.

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

II Sam 19:7

Thoi noh dang ei pơtao jah iung bĕ, năm pơma pơlung jơhngơ̆m lu đĭch đam ih hloi; inh pao anăn Kră Yang na pơkă, tơdah pơtao ưh kơ năm pơlung, lei lăm măng 'nâu ưh kơ đei minh 'nu bơngai bu oei hơdai hăm ih; păng noh boih tơdrong gô truh pơmat trăp hloh kơ lu tơdrong đei truh kơ pơtao mă đơ̆ng kơplah oei 'lơ̆p sơ̆ truh kơ dang ei.”

II Sam 18:12

Mă-lei bơngai ei khan: “Mă khan ih đei ăn chĕp lăm tơpang ti inh minh-rơbâu hlak jên hu, inh kư̆m ưh kơ pơ̆n pơrăm kon pơtao; yua kơ lu nhôn đei kơtơ̆ng pơtao pơkă pơkăm kơ ih, Abisai păng Itai khan: ‘Iĕm lăng hŏ, 'nĕ ăn bơngai bu pơrăm Apsalôm, kon tơdăm inh.’

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Sam 10:14

Wă lu linh Ammôn 'bôh lu linh Siri kơdâu, na lu sư kư̆m kơdâu weh 'bơ̆t anăp Abisai, păng mơ̆t ôn lăm pơlei. Jôap weh ưh pă blah lu linh Ammôn na hơlơ̆k brŏk tơ pơlei Jêrusalem.

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

II Sam 3:30

Jôap hăm Abisai 'nhŏng sư, pơlôch Apner, yua kơ Apner pơlôch Asahel, oh măr sư, năr tơblah tơ Gibeôn.

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

I Sam 26:6

Đawit jet Ahimelek, bơngai Hêtit păng Abisai kon drŏ-nglo Sêruia, oh Jôap: Bu 'maih năm hăm inh jur năm tơ anih Sôl? Abisai tơl: Inh gô năm jur hăm ih.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Markôs 3:24

Dah minh pôm teh đak tơblah dih băl, teh đak noh gô pơchah hiong,