II Sam 20:23 - Sơ̆p Hlabơar Nơ̆r 'Bok Kei-Dei

²³ Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 20:23 Referans Kwoze

II Sam 23:20

Bênaia, kon Jêhôiada, đơ̆ng pơlei Kapsêl, minh 'nu bơngai nuih kơtang, đei lơ jơnei tih, sư boih pơlôch 'bar 'nu kon drŏ-nglo Ariêl, bơngai Môap sư boih kư̆m jur tơ lăm sơlŭng pơlôch minh pôm dăm-brang lăm minh năr prĕl jur.

II Pot 11:4

Sơnăm mă tơpơh, 'bok soi Jêhôiada athei bơngai krao lu 'bok tih mă pơgơ̆r minh-hrĕng 'nu linh gah khŭl linh Karit păng lu linh mă kiơ̆ wei pơtao noh năm tơ sư lăm hnam akŭm kơkuh kơ Kră Yang. Sư pơma pơkă pơgơ̆p hăm lu đe ei păng athei lu đe ei pơkă hăm sư tơ lăm hnam akŭm kơkuh kơ Kră Yang; na sư tơhlâu tơ'bôh ăn kơ lu đe ei kon tơdăm pơtao.

II Sam 8:15

Đawit pơm pơtao pơgơ̆r kơ đĭ-đăng dêh char Isơrael, pơgơ̆r kon pơlei sư hăm tơdrong juăt trŏ tơpăt.

II Sam 20:7

Abisai pơgơ̆r linh Jôap, khŭl linh sư bơngai Kêrêthit; păng bơngai Phêlêthit păng đĭ-đăng lu bơngai nuih kơtang lĕch dơ̆ng pơlei Jêrusalem, druh 'moi Sêba, kon Bikri.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

I Pot 1:8

Mă-lei 'bok soi Sadôk, Bênaia kon drŏ-nglo Jêhôiada, Nathan bơngai khan lê̆ adrol, Simei, Rei păng lu linh Đawit mă nuih kơtang ưh kơ kiơ̆ ôh Adonija.

I Pot 4:1

Pơtao Sôlômôn pơgơ̆r đĭ-đăng dêh Isơrael.