II Sam 2:28 - Sơ̆p Hlabơar Nơ̆r 'Bok Kei-Dei

²⁸ Jôap athei đe hlôm keng, đĭ-đăng linh athei pơdơh, ưh pă druh lu kon pơlei Isơrael, păng ưh pă tơblah băl dơ̆ng.

II Sam 2:28 Referans Kwoze

II Sam 2:27

Jôap tơl: Inh pơkă 'bơ̆t anăp Kră Yang 'Bok Kei-Dei Arih ling-lang, tơdah ih ưh kơ pơma lei linh wă druh lu iĕm dĭng truh tơ dơning mă pơdơh.

II Sam 3:1

Đei tơdrong tơblah đunh tơpă khŭl Đawit hăm khŭl Sôl, gah khŭl Đawit rai đunh rai pran, na gah khŭl Sôl rai đunh rai rơdu tơrăn.

II Sam 18:16

Đơ̆ng rŏng kơ noh Jôap hlôm tơgiĕp, kon pơlei ưh pă druh linh Isơrael dơ̆ng, yua kơ Jôap athei lu sư lê̆.

I Sam 13:3

Jônathan blah kơđông pơlôch yŏng Philistin kơtơ̆ng tơ Gêba. Kon pơlei Philistin băt tơdrong noh. Sôl athei đe hlôm keng jơ̆p kơ tơring, na khan: Kon pơlei Hêbrơ mơ̆ng bĕ!

II Sam 20:22

Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.