II Sam 2:13 - Sơ̆p Hlabơar Nơ̆r 'Bok Kei-Dei

¹³ Jôap kon tơdăm Sêruia, păng lu đĭch đam Đawit kư̆m dai lĕch; 'bar pah tơ'bơ̆p băl 'bơ̆t dơnâu Gibeôn, na minh khŭl oei pah âu, hăm minh khŭl oei pah to kơ đak dơnâu.

II Sam 2:13 Referans Kwoze

I Ho 2:16

Mŏ oh lu sư Sêruia păng Abigail. Sêruia đei pêng 'nu kon drŏ-nglo Abisai, Jôap păng Asahel.

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

Je 41:12

Lu sư akŭm đĭ lu linh năm blah Ismael, kon drŏ-nglo Nethania, druh tam tơ jê̆ đak dơnâu tih tơ pơlei Gibeôn.

I Ho 11:6

Đawit khan: “Bơngai bu blah kon pơlei Jêbus adrol, sư gô pơm yŏng pơm bơngai pơgơ̆r.” Na Jôap, kon drŏ-nglo Sêruia, năm tŏk blah adrol, na sư pơm yŏng pơgơ̆r.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

II Sam 20:8

Lăp lu sư năm jê̆ tơmo tih tơ pơlei Gibeôn na tơ'bơ̆p Amasa năm tơ lu sư, kơplah noh Jôap hrŭk ao linh; tơ kơiĕng đei kiĕo minh hlak đao gưm tah lăm hơnglop. Lăp sư yak, na đao sư tơgloh đơ̆ng hơnglop.

I Pot 2:5

Ih băt mơ̆n tơdrong kiơ Jôap kon drŏ-nglo Sêruia pơm boih kơ 'bă păng pơm boih kơ 'bar 'nu yŏng linh Isơrael, Apner kon drŏ-nglo Nêr păng Amasa kon drŏ-nglo Jêther, sư pơlôch bre noh kơplah rơngei hiôk-hian nhen thoi kơplah oei tơblah wang hrang tơ'bet, pham oei klep 'bơ̆t tơlei tơ̆n sư păng tơ chơkhŏ sư oei 'bot.

I Sam 26:6

Đawit jet Ahimelek, bơngai Hêtit păng Abisai kon drŏ-nglo Sêruia, oh Jôap: Bu 'maih năm hăm inh jur năm tơ anih Sôl? Abisai tơl: Inh gô năm jur hăm ih.

II Sam 23:24

Lăm khŭl pêng-jĭt 'nu đei: Asahel oh Jôap; Êlhanan kon drŏ-nglo Đôđô đơ̆ng pơlei Betlehem;

I Ho 27:7

Yŏng pơgơ̆r khŭl linh mă puăn, lăm khei puăn, noh Asahel, oh Jôap. Sêbapđia, kon drŏ-nglo sư, pơm yŏng pơtrơp sư lăm khŭl sư đei 'bar-jĭt puăn-rơbâu 'nu bơngai.