II Sam 19:8 - Sơ̆p Hlabơar Nơ̆r 'Bok Kei-Dei

⁸ Pơtao iung lĕch ngôi 'bơ̆t 'măng jang pơlei. Đĭ-đăng kon pơlei pơla băt khan pơtao ngôi 'bơ̆t 'măng jang pơlei, na pơma dơnuh hăm pơtao. Kơplah noh lu linh Isơrael kơdâu brŏk tơ hnam lu sư kơdih.

II Sam 19:8 Referans Kwoze

II Sam 18:24

Pơtao Đawit oei ngôi 'bơ̆t măng jang pơlei tŏk-bŏk 'măng jang lăm păng 'măng jang 'nguaih. Bơngai linh wei gak tŏk tơ kơpal bơbŭng 'măng jang dur pơlei, tơmang tơ ataih lăng 'bôh minh 'nu bơngai oei kơdâu.

II Sam 18:4

Pơtao drơ̆ng: “Ơ, inh gô pơm kiơ̆ lu iĕm 'bôh khan 'lơ̆ng.” Na, pơtao dơ̆ng 'bơ̆t 'măng jang pơlei, kơplah khŭl linh lĕch năm kiơ̆ kơ khŭl minh-hrĕng khŭl minh-rơbâu,

II Pot 14:12

Linh đe Isơrael blah lê̆ lu đe Juđa thuơ, rim 'nu lu sư kơdâu ôn, brŏk tơ anih hnam lu sư kơdih.

I Pot 22:36

Lăp 'năr wă mơ̆t bơih đei nơ̆r pơma rơ̆n đơ̆ng lăm lu linh khan: “Rim 'nu athei brŏk tơ pơlei sư kơdih păng rim 'nu athei weh tơ char sư kơdih!”

II Sam 19:3

Lăm năr noh khŭl linh klen klon mơ̆t lăm pơlei nhen thoi lu khŭl linh mơlâu klen klon kơdâu ôn đơ̆ng tơblah.

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 15:2

Apsalôm juăt kơ iung đơ̆ng hrôih, dơ̆ng jê̆ cheng trong mơ̆t 'bơ̆t 'măng jang pơlei. Tơdah tơ'bơ̆p bơngai bu đei tơdrong kiơ năm tơ pơtao wă apinh sek tơlang, na Apsalôm krao bơngai noh apinh jet. “Ih đơ̆ng pơlei ayơ?” Dah sư tơl: “Đĭch đam ih đơ̆ng adrĕch 'nâu, adrĕch to lăm Isơrael,”

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.

II Pot 8:21

Yua kơ thoi noh Jêhôram năm tơ Pơlei Sar, anhăk ba đĭ-đăng gre aseh linh sư. Lĭnh Eđôm wang tăp tang kơ lu sư kiơ̆ kơmăng, pơtao păng lu yŏng linh pơgơ̆r lu gre aseh blah drŭt lu bơngai Eđôm, mă-lei lăp lu linh klĕch hlôi đơ̆ng bơngai Eđôm wang, lu sư kơdâu brŏk tơ hnam lu sư kơdih.