II Sam 19:7 - Sơ̆p Hlabơar Nơ̆r 'Bok Kei-Dei

⁷ Thoi noh dang ei pơtao jah iung bĕ, năm pơma pơlung jơhngơ̆m lu đĭch đam ih hloi; inh pao anăn Kră Yang na pơkă, tơdah pơtao ưh kơ năm pơlung, lei lăm măng 'nâu ưh kơ đei minh 'nu bơngai bu oei hơdai hăm ih; păng noh boih tơdrong gô truh pơmat trăp hloh kơ lu tơdrong đei truh kơ pơtao mă đơ̆ng kơplah oei 'lơ̆p sơ̆ truh kơ dang ei.”

II Sam 19:7 Referans Kwoze

Tơdrông Pơđơk 14:28

Kon pơlei đei lơ noh jing ư-ang kơ pơtao. Bơngai kơtuei kon pơlei tŏ sĕt noh răm kơ bơngai pơgơ̆r.

Bl 34:3

Jơhngơ̆m Sichem hưch kơ Đina, sư pơlung pơhlŭ dang đak sut đak kơdrot pơma hăm adruh noh.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Tơdrông Pơđơk 19:15

Tơdrong alah mah pơm kơ đe tep pok. Bơngai ayơ ngôi đĕch gô pơngot.

II Sam 19:6

Na, ih 'mêm kơ lu bơngai areh kơ ih na areh kơ lu bơngai mă 'mêm kơ ih! Tơdrong mă pơtao pơm năr 'nâu wă kơ lu yŏng pơgơ̆r linh păng lu linh pơtao 'bôh hơđăl, ih lăng lu sư ưh kơ đei lĕch kiơ. Inh 'bôh hơđăl pơtao gô lăp đon ngei tơdah Apsalôm oei arih năr 'nâu, mă khan đĭ-đăng kơ lu nhôn lôch.