II Sam 19:43 - Sơ̆p Hlabơar Nơ̆r 'Bok Kei-Dei

⁴³ Bơngai Isơrael tơl bơngai Juđa: “Lu nhôn hăm hnam pơtao 'bơm hloh kơ lu iĕm mơjĭt wơ̆t, na gah Đawit lu nhôn jê̆ hloh kơ lu iĕm; na liơ mă lu iĕm klai kơ lu nhôn? Lu nhôn boih pơđâu adrol wă sơng pơtao brŏk dah kiơ?” Mă-lei nơ̆r pơma lu bơngai Juđa tơl; oei trăp hloh kơ nơ̆r pơma bơngai Isơrael.

II Sam 19:43 Referans Kwoze

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

II Sam 5:1

Đĭ-đăng adrĕch Isơrael năm tơ Đawit tơ Hêbrôn, na khan: “Lu nhôn 'nâu jing sĕch akar ih.

Ya 1:20

Bơngai bu hil kơ đe, bơngai noh ưh kơ băt pơm 'lơ̆ng tơpăt thoi 'Bok Kei-Dei wă ôh.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

Rom 12:21

Thoi noh na bơ̆n 'nĕ pơm tơwih kơ sư tơdrong kơnê̆; bơ̆n pơm 'lơ̆ng kơ sư đĕch wih jei bơ̆n.

Tơdrông Pơđơk 18:19

Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 15:1

Nơ̆r tơl rơngơp chhơp ngach tơdrong hil. Nơ̆r pơma arăng pơdrŭt tơdrong blĕk.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

II Sam 20:6

Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 19:14

Pơtao Đawit pơm lăp đon kơ đĭ-đăng bơngai Juđa, lu sư minh jơhngơ̆m đon wơh bơngai năm wơ̆n pơtao: “Apinh pơtao hăm đĭ-đăng đĭch đam pơtao wih brŏk bĕ.”

II Sam 19:9

Lăm lu adrĕch adrung Isơrael lu sư pơđâu băl khan: “Pơtao dŏng pơklaih boih lu bơ̆n đơ̆ng ti bơngai ayăt kơ lu bơ̆n, păng sư đei pơklaih lu bơ̆n đơ̆ng ti lu bơngai Philistin. Na dang ei, sư mah kơdâu ôn đơ̆ng dêh char yua kơ Apsalôm.

Lu 9:23

Na Kră Yang ăn yang kơnê̆ pơm kơ Abimêlek păng kon pơlei Sichem; lu pơlei Sichem areh ayăt kơ Abimêlek.

Lu 8:1

Bơngai Êphraim khan kơ Giđêôn: Yua kơ kiơ ih pơm kơ lu nhôn thoi noh? Liơ ih năm tơblah hăm bơngai Miđian mă ưh kơ krao nhôn? Lu sư chrih hil dêh kơ Giđêôn.