II Sam 19:41 - Sơ̆p Hlabơar Nơ̆r 'Bok Kei-Dei

⁴¹ Đĭ-đăng lu bơngai Isơrael năm jet pơtao: “Liơ 'nhŏng oh lu nhôn bơngai Juđa klĕnh chông ba ih, hnam dơnŏ ih păng đĭ-đăng bơngai kiơ̆ ih tŏk kơ đak Krong Jôrđăn?”

II Sam 19:41 Referans Kwoze

Lu 12:1

Lu bơngai Êphraim akŭm đĭ-đăng năm tŏk đak Krong truh tơ pơlei Saphôn năm khan kơ Jeptha: Yua kơ kiơ ih năm tơblah hăm kon pơlei Ammôn mă ưh kơ krao lu nhôn wang năm hơdai? Lu nhôn gô soh hnam ih păng akâu ih hloi.

Lu 8:1

Bơngai Êphraim khan kơ Giđêôn: Yua kơ kiơ ih pơm kơ lu nhôn thoi noh? Liơ ih năm tơblah hăm bơngai Miđian mă ưh kơ krao nhôn? Lu sư chrih hil dêh kơ Giđêôn.

II Sam 19:3

Lăm năr noh khŭl linh klen klon mơ̆t lăm pơlei nhen thoi lu khŭl linh mơlâu klen klon kơdâu ôn đơ̆ng tơblah.

II Sam 19:11

Nơ̆r đĭ-đăng bơngai Isơrael pơma băl gah tơdrong sơng iŏk pơtao brŏk kơtơ̆ng truh tơ pơtao boih; pơtao Đawit wơh bơngai năm tơ bre 'bok soi, Sađŏk, păng Abiathar: “Măr iĕm khan bĕ kơ lu bơngai kră Juđa: ‘Liơ mă tă tơ lu iĕm jing bơngai tuch-luch năm krao pơtơm pơtao brŏk tơ hnam sư?’

II Sam 19:12

Lu iĕm jơ̆ 'nhŏng oh inh, jơ̆ sĕch akar inh! Liơ mă lu iĕm jing tă tơ bơngai tuch-luch krao pơtơm pơtao brŏk?