II Sam 19:39 - Sơ̆p Hlabơar Nơ̆r 'Bok Kei-Dei

³⁹ Na đĭ-đăng linh păng kon pơlei tŏk găn kơ đak Krong Jôrđăn, pơtao kư̆m tŏk, pơtao chŭm Barsilai păng tơklah băl. Barsilai wih tơ pơlei sư kơdih.

II Sam 19:39 Referans Kwoze

Bl 31:55

La'ban iung đơ̆ng hrôih, chŭm lu kon drŏ-kăn, lu sâu sư păng sơkat khan thŭ đei pŭn hiôk kơ iĕm, đơ̆ng noh sư wih brŏk tơ hnam sư dơ̆ng.

Ru 1:14

Na lu sư nhơ̆m dơ̆ng, đơ̆ng noh Orpa chŭm tơnei sư na tơklah; mă-lei Rut sư kiơ̆ tơnei sư Naômi.

Bl 47:7

Đơ̆ng noh Jôsep chông 'bă sư năm tơ'bơ̆p Pharaôn. Jakôp sơkat ăn wă kơ đei pŭn hiôk kơ Pharaôn.

I Tes 5:26

Iĕm roi tơbăt kơ đĭ-đăng 'nhŏng oh bơngai lui nhôn rơnguơ̆ kơ iĕm tơpă.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Luka 2:34

Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

I Pot 19:20

Êlisê achăng lê̆ rơmo choh sư 'noh kơdâu kiơ̆ Êli, păng khan: “Apinh ih ăn kơ inh brŏk tơ'bơ̆p chŭm mĕ 'bă inh 'mơ̆i, đơ̆ng noh inh gô kiơ̆ ih hloi.” Êli tơl: “Năm brŏk đơ̆ng noh hơlơ̆k tơ âu dơ̆ng, inh đei ưh kơ đei pơm kiơ kơ ih ôh.”

II Sam 14:33

Lei na Jôap năm tơ pơtao roi tơbăt lu nơ̆r noh. Pơtao krao hloi Apsalôm năm; sư mơ̆t lăm anih pơtao, drap tơ teh kơkuh 'bơ̆t anăp pơtao, na pơtao chŭm Apsalôm.

II Sam 13:25

Mă-lei pơtao tơl khan: Ưh kơ gơh kon; đĭ-đăng lu bơ̆n ưh kơ gơh wang năm tơ hnam kon, yua kơnh pơm pơhiơ̆k kon. Apsalôm apinh lung, mă-lei Đawit sơngah ưh kơ năm tơ noh; pơtao Đawit lăp sơkat ăn tơdrong pŭn hiôk kơ sư.

II Sam 6:20

Đawit kư̆m dai brŏk wă sơkat pŭn hiôk kơ hnam dơnŏ sư kơdih; mă-lei Mikal kon adruh Sôl, năm sơng Đawit, na khan: “Năr 'nâu pơtao đe Isơrael pơm kơdih akâu wă kơ đei ư-ang, mah suang akâu hoh 'bơ̆t anăp lu đam drŏ-kăn sư, pơm thoi bơngai ưh kơ rơ-a kiơ!”

II Sam 6:18

Kơplah Đawit pơyơ̆r tơmam soi 'buh pơkhôi păng tơmam soi et sa chơt hiôk, na sư yua anăn Kră Yang Tih Hloh tuh ăn pŭn hiôk kơ kon pơlei;

I Sam 24:22

Đawit pơkă nơ̆r hăm Sôl. Sôl brŏk wih tơ hnam sư, gah Đawit hăm lu bơngai kiơ̆ sư hơlơ̆k tơ anih ôn kơ'nơp dơ̆ng.

Jo 24:25

Balaam wih brŏk tơ tơring sư kơdih. Balak kư̆m wih brŏk mơ̆n.

Bl 47:10

Jakôp hơpơi sơkat ăn pŭn hiôk kơ Pharaôn minh wơ̆t dơ̆ng, na sư lĕch đơ̆ng noh.

Bl 45:15

Jôsep kư̆m chŭm lu 'nhŏng sư na nhơ̆m. Đơ̆ng noh lu sư pơma dơnuh hăm Jôsep.

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

II Sam 19:38

Pơtao tơl: “Kimham gô năm kiơ̆, păng inh gô rong ba sư kiơ̆ kơ ih wă. Ih apinh inh tơdrong kiơ, inh gô ăn kơ ih.”