II Sam 19:37 - Sơ̆p Hlabơar Nơ̆r 'Bok Kei-Dei

³⁷ Apinh ăn kơ inh brŏk, wă kơ inh lôch lăm pơlei inh, jê̆ bơsat mĕ 'bă inh, mă-lei đei Kimham âu, đĭch đam ih; ăn kơ sư kiơ̆ ih yŏng tơ'ngla inh, păng apinh ih wei rong sư kiơ̆ kơ ih tơchĕng.”

II Sam 19:37 Referans Kwoze

Je 41:17

Lu sư yak oei pơdơh 'bơ̆t pơlei Gêrut Kimham jê̆ pơlei Betlehem, trong năm tơ char Êyiptơ.

I Pot 2:7

Ih athei oei hiôk hơiă hăm lu kon drŏ-nglo Barsilai bơngai Gileat, ih athei pơm 'lơ̆ng kơ lu sư, ăn kơ lu sư sŏng sa hơdai hăm ih minh pôm gơ'bang, yua kơ sơ̆ lu sư kư̆m pơm 'lơ̆ng kơ inh, sơng iŏk inh kơplah inh kơdâu jăk đơ̆ng Apsalôm 'nhŏng ih.

II Sam 19:40

Đơ̆ng noh pơtao năm truh tơ pơlei Gilgal. Kimham kư̆m năm, đĭ-đăng kon pơlei Juđa, păng hloh kơ minh puăt kon pơlei Isơrael kư̆m năm kiơ̆ ba pơtao.

II Pet 1:14

yua kơ tơdrong arih inh ưh pă đunh boih kiơ̆ thoi Yêsu Krist akhan kơ inh.

II Tim 4:6

Gah inh arih ưh pă nhoi boih. Đe wă jê̆ pơlôch inh boih, pham inh thoi lĕ kơ pham tơmam đe wă soi sơmah, na dang ei inh wă tơklah đơ̆ng iĕm boih.

I Pot 13:22

Ih brŏk păng sŏng sa nhă đak tơ anih mă Kră Yang 'Bok Kei-Dei ưh kơ ăn ih sŏng sa nhă đak. Lei na mưh ih lôch, akâu ih ưh kơ gơh 'bŭ hơdai tơ bơsat lu 'bok kơdră ih ôh.

Jôsuê 23:14

Âu, dang ei inh wă năm kiơ̆ boih trong mă đĭ-đăng kơ kon bơngai năm; lu iĕm băt boih đĭ lăm jơhngơ̆m klơm klak kơ nơ̆r 'lơ̆ng mă Kră Yang 'Bok Kei-Dei đei pơkă khan kơ lu iĕm, ưh kơ đei minh nơ̆r ayơ glăi, đĭ-đăng gô pơsĭt trŏ ngăl; ưh kơ đei minh nơ̆r ayơ hiong.

Bl 50:13

Chơ ba atâu 'bă lu sư wih brŏk tơ Kanaan 'bŭ lăm hơgơp tơmo tơ bri Makbêla jê̆ Mamrê mă đêl Abraham răt hloi hăm mir chŭn Êphrôn, đơ̆ng bơngai Hêtit, wă pơm bơsat.

Bl 48:21

Jakôp khan kơ Jôsep thoi âu: 'Nâu, 'bă wă jê̆ lôch, mă-lei Kră Yang 'Bok Kei-Dei gô tơgŭm dŏng lu đe kon wih brŏk tơ dêh char 'bok yă.

Bl 47:30

Mưh 'bă pơdơh kiơ̆ 'bok yă boih, athei tơlĕch 'bă đơ̆ng dêh char Êyiptơ âu, 'bŭ hơdai bơsat 'bok. Jôsep drơ̆ng 'bă sư thoi âu: Kon gô pơm kiơ̆ nơ̆r 'bă đei bơtho khan.

II Sam 19:36

Đĭch đam pơtao adrin tŏk hlôi kơ Krong Jôrđăn hăm pơtao đĕch, ưh kơ trŏ kơ pơtao mah wă apah inh thoi noh

II Sam 19:38

Pơtao tơl: “Kimham gô năm kiơ̆, păng inh gô rong ba sư kiơ̆ kơ ih wă. Ih apinh inh tơdrong kiơ, inh gô ăn kơ ih.”

I Pot 4:5

Asaria kon drŏ-nglo Nathan pơm 'bok pơgơ̆r lu yŏng linh Sahut kon drŏ-nglo Nathan pơm 'bok kơiĕng păng buăl pơtao.