II Sam 19:32 - Sơ̆p Hlabơar Nơ̆r 'Bok Kei-Dei

³² Barsilai kră dêh boih, sư đei tơhngam-jĭt sơnăm. Sư boih bơngai ăn kơ pơtao tơmam sa kơplah pơtao oei lăm pơlei Mahanaim, yua kơ sư mơdrŏng dêh.

II Sam 19:32 Referans Kwoze

I Sam 25:2

Na, đei minh 'nu bơngai oei tơ pơlei Maôn, mă-lei teh jang sa tơ pơlei Karmel, sư bơngai mơdrŏng, đei pêng-rơbâu triu păng minh-rơbâu bơbe; sư oei tơ Karmel oei yuă sŏk triu sư.

Tơdrông Pơđơk 16:31

Sŏk ko jing môk ư-ang, 'Bôh đơ̆ng tơdrong jang sư tơpăt na gơh đei.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Both 34:7

Môis lôch, kơplah sư đei minh-hrĕng 'bar-jĭt sơnăm; măt sư oei hơdah 'lơ̆ng, jơhngơ̆m sư oei pran.

Bl 47:28

Jakôp oei lăm dêh char Êyiptơ đei mơjĭt-tơpơh sơnăm, sư arih đei minh-hrĕng puăn-jĭt tơpơh sơnăm.

Bl 25:7

Abraham arih đei minh-hrĕng tơpơh-jĭt pơđăm sơnăm.

Bl 9:29

Thoi noh, Nôê arih đei tơsĭn-hrĕng pơđăm-jĭt sơnăm, na sư lôch.

Bl 5:27

Thoi noh Mêtusêla arih đei tơsĭn-hrĕng tơdrâu-jĭt tơsĭn sơnăm, na sư lôch.

Bl 50:26

Đơ̆ng noh, Jôsep lôch, sư arih đei minh-hrĕng mơjĭt sơnăm. Lu đe kư̆m tơhum pik đak pơgang 'bâu phu tơ atâu Jôsep păng pôn tah lăm bong tơ dêh Êyiptơ.

II Sam 19:33

Pơtao khan kơ Barsilai: “Năm tŏk kơ đak Krong Jôrđăn hơdai inh, păng oei hăm inh tơ pơlei Jêrusalem inh gô wei rong ih.”

II Pot 15:20

Mênahem chă ra iŏk jên đơ̆ng lu bơngai Isơrael, noh đơ̆ng lu bơngai mă đei mŭk tơmam lơ, kư̆ rim 'nu pơđăm-jĭt sêikơlb jên hu wă ăn kơ pơtao đe Asiri, thoi noh pơtao đe Asiri brŏk, ưh kơ oei lăm dêh char ei đunh ôh.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.