II Sam 19:24 - Sơ̆p Hlabơar Nơ̆r 'Bok Kei-Dei

²⁴ Mephibôset sâu drŏ-nglo Sôl, kư̆m năm jur sơng pơtao, sư ưh kơ đei ôp jơ̆ng, yuă sŏk kang dah pih hơbĕn ao sư iŏk đơ̆ng năr pơtao yak năm truh tơ năr pơtao wih brŏk hiôk-hian.

II Sam 19:24 Referans Kwoze

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

II Sam 16:3

Pơtao apinh dơ̆ng: “Sâu drŏ-nglo yŏng tơ'ngla ih tơ yơ?” Siba tơl: “Sư oei tơ lăm pơlei Jêrusalem, sư tơchĕng khan: ‘Năr 'nâu rŏ lăng kon pơlei Isơrael gô pơdrâu kơ inh tang-dŏ pơtao teh đak 'bok inh.’ ”

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

II Sam 9:11

Siba drơ̆ng khan: Đĭch đam ih gô pơm kiơ̆ tôm tơdrong đơ̆ng yŏng pơtao inh pơkă khan. Thoi noh Mêphibôset sŏng sa hơdai minh pôm gơ'bang hăm pơtao Đawit thoi minh 'nu kon drŏ-nglo pơtao.

II Sam 12:20

Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

I Pot 2:8

Kŭm đei, anăn sư Simei kon drŏ-nglo Gêra, bơngai Bênjamin đơ̆ng pơlei Bahurim, sư yua lu nơ̆r kơnê̆ blei hiap 'bă lăm năr mă 'bă truh tơ Mahanaim, mă-lei 'bơ̆t sư jur tơ'bơ̆p inh tơ đak Krong Jôrđăn, na inh yua hăm anăn Kră Yang pơkă pơkăm hăm sư: Inh ưh kơ pơlôch ih hăm đao gưm.