II Sam 19:22 - Sơ̆p Hlabơar Nơ̆r 'Bok Kei-Dei

²² Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

II Sam 19:22 Referans Kwoze

II Sam 16:10

Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

I Sam 11:13

Mă-lei Sôl tơl lu sư: Năr âu lu bơ̆n ưh kơ gơh pơlôch bu; yua kơ năr âu Kră Yang đĕch ăn kơ bơngai Isơrael đei jơnei tih.

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

I Sam 26:8

Abisai khan kơ Đawit: Năr 'nâu Kră Yang 'Bok Kei-Dei pơjao bơngai ayăt kơ ih lăm tơpang ti ih. Ăn kơ inh iŏk tơju sư 'bet hơtơ̆p sư tơ teh; ưh kơ kăl kơ 'bet pơlơ̆k mă 'bar dơ̆ng.

II Sam 16:9

Đơ̆ng noh Abisai, kon drŏ-nglo Sêruia, khan kơ pơtao: “Liơ kŏ lôch 'nâu pơ̆n hiap pơtao yŏng tơ'ngla inh? Apinh pơtao lê̆ kơ inh năm chơ̆ng kơ̆l sư.”

I Sam 26:9

Mă-lei Đawit khan kơ Abisai: 'Nĕ kơ pơlôch sư, kơnh ih đei tơdrong glăi, yua kơ sư bơngai mă đơ̆ng Kră Yang 'Bok Kei-Dei tuh ăn đak rơmă.

I Sam 26:11

Mă-lei Kră Yang wei inh, ưh kơ ăn tơpang ti inh pơlôch bơngai mă đơ̆ng Kră Yang tuh ăn đak rơmă! Inh apinh ih iŏk tơpu hăm get đak đơ̆ng kơ̆l giơng sư hăm get đak sư, đơ̆ng noh ba weh.

II Sam 16:5

Pơtao Đawit 'nao truh tơ pơlei Bahurim, 'bôh minh 'nu bơngai lĕch đơ̆ng lăm pơlei noh, anăn sư Simêi, kon drŏ-nglo Gêra, sư đơ̆ng adrĕch adrung Sôl na năm rah hiap rah.