II Sam 19:19 - Sơ̆p Hlabơar Nơ̆r 'Bok Kei-Dei

¹⁹ Sư khan kơ pơtao: “Apinh yŏng tơ'ngla inh, 'nĕ kơ jô̆ tơdrong yoch kơnê̆ inh, păng 'nĕ kơ 'blŏk tơdrong đĭch đam ih mă đei pơm yoch boih lăm năr ih yŏng tơ'ngla inh lĕch đơ̆ng pơlei Jêrusalem. Apinh ih 'nĕ pă 'blŏk răk tơdrong noh.

II Sam 19:19 Referans Kwoze

I Sam 22:15

Hăm trŏ kơ 'nao năr 'nâu đĕch inh krao khan, apinh Kră Yang 'Bok Kei-Dei ăn kơ sư? Tơpă inh ưh kơ đei pơm thoi noh! Apinh pơtao 'nĕ kơ ngeh minh nơ̆r ayơ ăn kơ đĭch đam pơtao dah ăn kơ bơngai bu lăm hnam 'bă inh; yua kơ bơngai mă đĭch đam pơtao ưh kơ băt kơ tơdrong kiơ, tŏ sĕt dah lơ, gah tơdrong noh.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Bôk Bơthô 10:4

Dah yŏng pơgơ̆r hil, ih 'nĕ hăt kơdâu weh đơ̆ng anih ih, yua kơ đơ̆ng ih chu sư na gơh klaih đơ̆ng tơdrong glăi tih.

Horiso 79:8

Apinh Ih 'nĕ pă 'blŏk, 'nĕ pă jô̆ dôm tơdrong yoch kơnê̆ lu yă 'bok nhôn sơ̆; Apinh tơdrong 'mêm mơnat Ih tĕnh tĕnh tơgŭm lu nhôn, yua kơ lu nhôn pơmat dêh boih.

Horiso 32:2

Pŭn dêh kơ bu mă Kră Yang huay kơ jô̆ kơnê̆, Păng lăm jơhngơ̆m ưh kơ đei hơlĕnh!

II Sam 13:33

Thoi noh na apinh pơtao yŏng tơ'ngla inh 'nĕ kơ tơtăm khan pơlôch đĭ-đăng kon pơtao boih; lăp minh 'nu Amnôn đĕch lôch.”

II Sam 13:20

Apsalôm; 'nhŏng sư jet: “Hăm trŏ kơ Amnôn, 'nhŏng kơ oh; tơrôp 'bĭch hăm oh ưh? Lei na, ơ oh hreh bĕ, sư 'nhŏng kơ oh 'nĕ pă hiơ̆k kơ tơdrong noh dơ̆ng!” Thoi noh. Tamar oei hơdrô̆ sơ'ngon tơ hnam Apsalôm 'nhŏng sư.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.

I Sam 25:25

Apinh ih 'nĕ kơ jơ̆ yo kơ Nabal bơngai khĕnh to 'noh; yua kơ jơhngơ̆m klơm klak sư trŏ kơ anăn sư, anăn sư Nabal yua kơ lăm sư đei ưh kơwao, kơchu; gah inh, inh ưh kơ 'bôh lu bơngai mă ih wơh.

Jo 12:11

Arôn khan kơ Môis: Ô, yŏng inh, apinh 'nĕ tơpŭ tơ nhi tơdrong yoch mă nhi pơm kơtul, tơdrong yoch mă nhi pơm ưh kơ hlôh kơwao mă đei pơm boih.

II Sam 19:18

Lu sư glơi wih wơ̆t to âu wă hơtŏk hnam dơnŏ pơtao tŏk kơ krong, păng pơm dôm tơdrong kiơ pơtao wă. Simêi, kon drŏ-nglo Gêra, kơkuh drap ala jơ̆ng pơtao Đawit kơplah pơtao wă tŏk kơ đak Krong Jôrđăn.