II Sam 17:9 - Sơ̆p Hlabơar Nơ̆r 'Bok Kei-Dei

⁹ Băt dang ei sư oei ôn lăm trôm hơgơp ayơ dah lăm anih ayơ nai. Tơdah đei bơngai lăm khŭl bơ̆n lôch 'bơ̆t năr tơblah blŭng-a, bu bu kơtơ̆ng kư̆m gô khan: ‘Khŭl linh kiơ̆ Apsalôm thuơ boih.’

II Sam 17:9 Referans Kwoze

I Sam 24:3

Sôl năm truh 'bơ̆t jê̆ anih hơdrong bơbe triu, tơ noh đei minh pơm hơgơp tơmo; Sôl mơ̆t lăm noh năm wă kơ chă bơyơ̆ng. Na, Đawit hăm lu bơngai kiơ̆ sư oei tơ lăm hơgơp jrŭ.

I Sam 22:1

Đawit weh đơ̆ng noh, năm ôn lăm hơgơp tơmo tơ pơlei Ađulam lu đe 'nhŏng sư păng đĭ-đăng kơ hnam dơnŏ 'bă sư băt, na jur năm tơ sư,

Jôsuê 8:6

lê̆ lu sư druh lu nhôn, lu nhôn pơm kơdâu dĭng mă ataih đơ̆ng pơlei boih, lu sư gô khan: Lu sư kơdâu kơ lu bơ̆n thoi ki mơ̆n, thoi noh nhôn pơm kơdâu kơ lu sư,

Jôsuê 7:5

Bơngai pơlei Ahi pơlôch dang pêng-jĭt tơdrâu 'nu, druh lu linh Isơrael đơ̆ng 'măng dur pơlei truh tơ Sêbarim, blah lu sư kơplah lu sư jur tơ krang, jơhngơ̆m lu sư hli tơrơ thoi đak ro

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

II Sam 17:10

Kơplah noh, lu bơngai nuih kơtang đei jơhngơ̆m thoi Dăm-brang kư̆m hli tơrơ tơtơ̆; yua kơ đĭ-đăng bơngai Isơrael băt kơ pơtao 'bă ih jơ̆ minh 'nu bơngai tơblah hơgei păng lu bơngai kiơ̆ sư tă kơ đei jơhngơ̆m nuih pran ngăl.

Je 41:9

Ismael kon drŏ-nglo Nethania, klơ̆m lê̆ akâu lu bơngai sư pơlôch tơ lăm sơlŭng Gêđalia mă pơtao Asa sir, wă găn Baasa, pơtao Isơrael. Ismael kon drŏ-nglo Nethania klơ̆m lu akâu bơngai mă đêl sư pơlôch, 'bĕnh kơ sơlŭng să noh.

I Sam 23:22

Năm apinh pơnhen lăng dơ̆ng wă kơ băt mă hơđăl anih ayơ sư oei păng bu hlôi 'bôh boih sư oei tơ noh; yua kơ đe đei roi khan sư bơngai hơgei hơlĕnh dêh.