II Sam 17:3 - Sơ̆p Hlabơar Nơ̆r 'Bok Kei-Dei

³ Inh gô chông ba đĭ-đăng kon pơlei pơla wih tơ ih; mưh lu sư wih brŏk đĭ, lăp minh 'nu mă ih oei druh chă noh đĕch; na đĭ-đăng kon pơlei pơla gô đei tơdrong hiôk rơnŭk.”

II Sam 17:3 Referans Kwoze

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Êsai 57:21

Kră Yang 'Bok Kei-Dei inh khan: “Lu bơngai kơnê̆ ưh kơ đei hiôk-hian.”

Êsai 48:22

Kră Yang khan lu bơngai kơnê̆ ưh kơ đei layơ hiôk rơnŭk.”

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

II Sam 17:4

Apsalôm păng lu bơngai kră Isơrael iŏk kiơ̆ nơ̆r noh khan 'lơ̆ng.

Je 6:14

Lu sư hơmet rơka kon pơlei Inh 'bơ'biơ̆ đĕch na khan hiôk-hian hiôk-hian; mă tơpă ưh kơ đei hiôk-hian ôh.