II Sam 17:27 - Sơ̆p Hlabơar Nơ̆r 'Bok Kei-Dei

²⁷ Lăp pơtao Đawit truh tơ pơlei Mahanaim, na Sôbi kon drŏ-nglo Nahas đơ̆ng pơlei Rapba kon pơlei Ammôn Makir kon drŏ-nglo Ammiel đơ̆ng pơlei Lôdêbar păng Barsilai bơngai Gileat đơ̆ng pơlei Rôgelim,

II Sam 17:27 Referans Kwoze

I Pot 2:7

Ih athei oei hiôk hơiă hăm lu kon drŏ-nglo Barsilai bơngai Gileat, ih athei pơm 'lơ̆ng kơ lu sư, ăn kơ lu sư sŏng sa hơdai hăm ih minh pôm gơ'bang, yua kơ sơ̆ lu sư kư̆m pơm 'lơ̆ng kơ inh, sơng iŏk inh kơplah inh kơdâu jăk đơ̆ng Apsalôm 'nhŏng ih.

II Sam 9:4

Pơtao jet: “Sư tơ yơ?” Siba tơl: “Sư oei lăm hnam Makir, kon drŏ-nglo Ammiel, tơ pơlei Lôdêbar.”

Esơra 2:61

Lăm adrĕch adrung 'bok soi: Kon sâu Habaia, kon sâu Hakkôs, kon sâu Barsilai (bơngai 'nâu oei kơ kon adruh Barsilai bơngai Gileat, na krao anăn sư thoi ei).

I Sam 11:1

Nahas, pơtao bơngai Ammôn, pơgơ̆r lu linh năm wang dăr pơlei Jabes lăm Gileat. Đĭ-đăng kon pơlei lăm Jabes năm apinh Nahas: Apinh ih ăn kơ nhôn kĭ pơgơ̆p hăm ih, na lu nhôn gô bơ̆jang kơ ih.

II Sam 12:26

Jôap tơblah pơlei Rapba, pơlei tih bơngai Ammôn, păng wă blah iŏk pơlei pơtao noh.

II Sam 17:26

Khŭl bơngai Isơrael păng Apsalôm pơm kơđông pơdơh lăm dêh char Gileat.