II Sam 17:20 - Sơ̆p Hlabơar Nơ̆r 'Bok Kei-Dei

²⁰ Lu đĭch đam Apsalôm năm tơ hnam bơngai drŏ-kăn 'nâu na jet khan: “Ahimaas păng Jônathan tơ yơ?” Bơngai drŏ-kăn ei tơl khan: “'Bar 'nu bre sư năm tŏk hlôi kơ đak glung boih.” Lu linh druh kiơ̆ chơchă, mă-lei ưh kơ đei tơ'bơ̆p, na wih dơ̆ng tơ Jêrusalem.

II Sam 17:20 Referans Kwoze

Le 1:19

Lu yă kơ'mĭn đe tơpŭ ei tơl: “'Noh yua kơ lu bơngai drŏ-kăn Hêbrơ ưh kơ thoi lu bơngai drŏ-kăn Êyiptơ ôh; lu sư đei jơhngơ̆m pran ngăl lu sư tơpŭ hlôi adrol kơ lu nhôn truh.”

II Sam 15:34

Mă-lei tơdah ih brŏk tơ pơlei, roi ăn kơ Apsalôm: ‘Ơ pơtao! Inh jơ̆ bơngai đĭch đam ih, adrol sơ̆ inh bơ̆jang kơ pơtao Đawit, 'bă ih, dang ei inh đĭch đam ih,’ lei na apinh ih tơgŭm inh pơm tơhiong lê̆ tơdrong Ahithôphel chă đon.

I Sam 21:2

Đawit tơl hăm 'bok soi tơm Ahimelek: Pơtao đei wơh inh minh tơdrong jang păng pơkă khan: 'Nĕ kơ roi ăn kơ bu băt gah tơdrong jang inh wơh ih pơm, kư̆m 'nĕ kơ ăn bu băt nơ̆r inh athei ih. Inh hlôi pơkă ăn boih kơ lu đĭch đam inh 'bơ̆t anih tơ'bơ̆p băl.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Lu 4:20

Na sư khan kơ yă ei dơ̆ng: Athei dơ̆ng bĕ 'bơ̆t 'măng bơsŭn ih, tơdah đei bu apinh ih, tơ âu hăm đei bu ưh, tơl ưh kơ đei bơngai bu.