II Sam 17:17 - Sơ̆p Hlabơar Nơ̆r 'Bok Kei-Dei

¹⁷ Jônathan păng Ahimaas dơ̆ng gô tơ đak glung Ên Rôgel, đei minh 'nu bơngai drŏ-kăn juăt kơ năm roi tơbăt ăn kơ lu sư, na bre sư roi ăn kơ Đawit. Bre sư ưh kơ pơ̆n mơ̆t lăm pơlei hli kơ đe 'bôh.

II Sam 17:17 Referans Kwoze

II Sam 15:36

'Bar 'nu bre sư kư̆m đei 'bar 'nu kon drŏ-nglo oei tơ noh, Ahimaas kon drŏ-nglo Sađŏk păng Jônathan, kon drŏ-nglo Abiathar; ih wơh bre sư athei năm roi tơbăt ăn kơ inh dôm tơdrong ih đei kơtơ̆ng.”

II Sam 15:27

Pơtao khan dơ̆ng: “Ih hăm hlôh, ih hăm 'bok soi Abiathar athei wih dơ̆ng tơ pơlei mă hiôk rơnŭk hơdai hăm 'bar 'nu kon drŏ-nglo iĕm, Ahimaas kon drŏ-nglo ih păng Jônathan kon drŏ-nglo Abiathar.

Jôsuê 18:16

hơdral jur tơ jơ̆ng kông rok thŭng, kon drŏ-nglo Ben Hinôm oei tơ gah yă-nơ̆m kơ thŭng Rêphaim, rok jur tơklă thŭng Hinôm dăr gah gơal kơ pơlei tih Jêbus, weh dăr jur truh tơ Ên Rôgel.

Jôsuê 15:7

đơ̆ng âu hơdral tŏk tơ Đêbir, đơ̆ng thŭng Akôr năm tơpăt tơ gah yă-nơ̆m dăr tơklă Gilgal, tơklă kuĕl Ađumim gah gơal kơ thŭng rok cheng tu đak Ên Sêmes păng tơtil tu đak Ên Rôgel.

I Pot 1:9

Adonija pơyơ̆r triu, rơmo păng kon rơmo bek, pơm tơmam soi 'bơ̆t tơmo Sohôlet, jê̆ Ên Rôgel. Sư krao wơ̆n đĭ-đăng 'nhŏng oh sư, lu kon drŏ-nglo pơtao, păng đĭ-đăng lu bơngai pơm yŏng pơgơ̆r mă bơ̆jang kơ pơtao.

I Pot 1:42

Kơplah sư oei pơma, blư kơ Jônathan kon 'bok soi Abiathar truh, na Adonija khan: “Mơ̆t tơ âu bĕ, ih boih minh 'nu bơngai đe pơyom sĭt, rŏ lăng ih ba tơdrong 'nao 'lơ̆ng.”

II Sam 15:35

To 'bar 'nu 'bok soi Sađŏk păng Abiathar kư̆m oei tơ noh hơdai hăm ih, ih athei roi ăn kơ bre sư băt dôm tơdrong kiơ ih băt đơ̆ng lăm hnam pơtao.