II Sam 17:14 - Sơ̆p Hlabơar Nơ̆r 'Bok Kei-Dei

¹⁴ Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Sam 17:14 Referans Kwoze

II Sam 15:34

Mă-lei tơdah ih brŏk tơ pơlei, roi ăn kơ Apsalôm: ‘Ơ pơtao! Inh jơ̆ bơngai đĭch đam ih, adrol sơ̆ inh bơ̆jang kơ pơtao Đawit, 'bă ih, dang ei inh đĭch đam ih,’ lei na apinh ih tơgŭm inh pơm tơhiong lê̆ tơdrong Ahithôphel chă đon.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

II Sam 16:23

Lăm kơplah noh đe lăng tơdrong tơchĕng Ahithôphel nhen thoi nơ̆r pơma đơ̆ng tơ'ngla Kră Yang 'Bok Kei-Dei. Lu tơdrong tơchĕng Ahithôphel, mă pơtao Đawit, păng Apsalôm, tă kơ mơ̆ng kiơ̆ nơ̆r Ahithôphel thoi noh ngăl.

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Am 9:3

Mă khan lu sư kơdâu ôn tơ kơpal kông Karmel, inh kư̆m gô chă wă pơdŭng tơlĕch lu sư; mă khan lu sư klĕnh đơ̆ng muh măt inh ôn tơ ala đak dơsĭ sŭng, inh kư̆m gô ăn kơ 'bih choh lu sư tơ noh.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

II Ho 25:20

Mă-lei Amasia ưh kơ wă mơ̆ng, yua kơ tơdrong âu đơ̆ng Kră Yang 'Bok Kei-Dei wă pơjao lu sư lăm ti Jêhôas, yua kơ đơ̆ng lu sư chơchă kơkuh kơ yang bơngai Eđôm.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

II Ho 10:8

Mă-lei Rêhôbôam ưh kơ kiơ̆ ôh nơ̆r lu kră đei pơđâu, na chă đon pơđâu hăm lu bơngai kră mơlôh 'lŏ sư pơhnŏng kơchŏng sư bơhnơr, mă oei bơ̆jang kơ sư.

Ne 4:15

Tơdah lu ayăt kơ lu nhôn băt kơ lu nhôn băt kơ tơdrong noh păng Kră Yang 'Bok Kei-Dei pơrăm lê̆ boih tơdrong tơchĕng lu sư, thoi noh lu nhôn wơ̆t bơ̆jang man dur dơ̆ng rim 'nu kư̆m wơ̆t bơ̆jang tơdrong jang sư kơdih.

Horiso 9:15

Lu kon pơlei pơla huŏng boih lăm sơlŭng đơ̆ng lu sư sir; Jơ̆ng lu sư đom boih lăm hơnhuăl đêl lu sư dăng

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.

II Ho 10:15

Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

Jop 12:17

Sư rôp anhăk phak lu bơngai pơthơr pơm tơdrong kơnê̆. Pơm ăn kơ lu 'bok sek tơlang jing kơtul kơwao.