II Sam 15:32 - Sơ̆p Hlabơar Nơ̆r 'Bok Kei-Dei

³² Lăp kơplah Đawit năm tŏk truh tơ kơ̆l kông, anih mă đe kơkuh kơ Kră Yang 'Bok Kei-Dei, đei Husai, bơngai Arkit, năm sơng tơ'bơ̆p sư, ao tơhek hiah păng kơ̆l 'bĕnh kơ 'mui teh.

II Sam 15:32 Referans Kwoze

Jôsuê 16:2

Hơdral iŏk đơ̆ng Bethel noh Lus rok truh hlôi kơ kon pơlei Arkit păng Atarôt;

II Sam 1:2

Năr mă pêng đei minh 'nu bơngai đơ̆ng kơđông Sôl, hơbĕn ao sư hiah đĭ, kơ̆l sư 'bĕnh kơ 'mui teh sư năm 'bơ̆t anăp drap kơkuh kơ Đawit.

Luka 19:29

Lăp Yêsu wă jê̆ truh Pơlei Betphagê păng Pơlei Bethani, 'bơ̆t kông Ôliwơ, Yêsu đei wơh 'bar 'nu bơngai pơhrăm păng Sư khan:

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

I Sam 4:12

Minh 'nu bơngai Bênjamin kơdâu ôn klĕch đơ̆ng anih tơblah, truh tơ Silô lăm năr noh, sư hek hơbĕn ao hiah đĭ, iŏk 'mui teh săi 'bĕnh kơ kơ̆l wă tơ'bôh đei tơdrong sơ'ngon.

II Sam 16:1

Đawit 'nao tŏk hlôi kơ kơ̆l kông, na tơ'bơ̆p Siba, đĭch đam Mephibôset, năm sơng chông ba 'bar tŏ aseh iĕ tah an đei tơlei pơhơ̆p păng kơpal rŏng aseh chơ 'bar-hrĕng tơpei 'bĕng, minh-hrĕng hơchô̆ plei hơmu, minh-hrĕng tŏ 'bĕng iĕ plei hơra, păng minh pôm get hơkar 'bĕnh kơ sik hơmu.

II Sam 17:5

Mă-lei Apsalôm khan: “Athei krao Husai, bơngai Arkit hai mơ̆n, wă kơ lu bơ̆n kư̆m mơ̆ng lăng nơ̆r sư pơma.”

I Pot 4:16

Baana kon drŏ-nglo Husai wei-lăng tơring Aser păng Bêalôt;

I Ho 27:33

Ahithôphel pơm bơngai chă đon pơđâu hăm pơtao; Husai, bơngai Arkit, buăl juăt pơtao.

II Sam 16:15

Kơplah noh Apsalôm păng đĭ-đăng bơngai Isơrael mơ̆t lăm pơlei Jêrusalem, đei Ahithôphel kiơ̆ sư.