II Sam 15:31 - Sơ̆p Hlabơar Nơ̆r 'Bok Kei-Dei

³¹ Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 15:31 Referans Kwoze

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

Ya 3:15

Bơngai bu khan sư hơgei tơdrong 'Bok Kei-Dei mă sư oei pơm thoi noh, tơdrong sư hơgei noh ưh kơ sĭ đơ̆ng 'Bok Kei-Dei ăn ôh; sư hơgei đơ̆ng khŭl yang kơnê̆, sư hơgei kiơ̆ tơdrong ala teh, kiơ̆ kơ sĕch akar.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

II Sam 16:23

Lăm kơplah noh đe lăng tơdrong tơchĕng Ahithôphel nhen thoi nơ̆r pơma đơ̆ng tơ'ngla Kră Yang 'Bok Kei-Dei. Lu tơdrong tơchĕng Ahithôphel, mă pơtao Đawit, păng Apsalôm, tă kơ mơ̆ng kiơ̆ nơ̆r Ahithôphel thoi noh ngăl.

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

Horiso 3:1

Ơ Kră Yang! Lu ayăt kơ inh lơ dêh pă băt dôm yơ! Lu bơngai iung blah inh lơ dêh tơpă!

Jop 5:12

Sư pơrăm lê̆ tơdrong lu bơngai kơnê̆ chă đon wă pơm. Ăn kơ tơdrong kiơ ti lu sư wă pơm ưh kơ jing.

II Sam 15:12

Kơplah Apsalôm wă pơyơ̆r tơmam soi, wơh đe năm krao Ahithôphel sư bơngai hơgei tơgŭm chă pơđâu kơ Đawit oei tơ pơlei Gilô, pơlei sư hơdai. Lu bơngai chă đon pơm plơ̆ rai pran, păng khŭl kon pơlei năm kiơ̆ Apsalôm rai đunh rai lơ.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Horiso 109:3

Lu sư pơma hăm nơ̆r hil areh wang tăp kơ inh. Blah inh hăm tơdrong ưh kơ đei.

Horiso 55:12

Ưh kơ sĭ lu ayăt kơ inh che bơle kơ inh, tơdah thoi ei, na inh kĕ pŭ iŏk mơ̆n; Kŭm ưh kơ sĭ lu areh kơ inh, pơm kơnê̆ kơ inh; Tơdah thoi ei lei inh kơdâu đơ̆ng sư.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

II Sam 17:5

Mă-lei Apsalôm khan: “Athei krao Husai, bơngai Arkit hai mơ̆n, wă kơ lu bơ̆n kư̆m mơ̆ng lăng nơ̆r sư pơma.”

II Sam 17:7

Husai tơl: Nơ̆r pơma pơđâu Ahithôphel dĭng 'nâu ưh kơ 'lơ̆ng ôh.

Horiso 55:10

Măng păng năr lu sư dăr tăp kơ dur pơlei tih; Đei pơm kơnê̆ băl păng tơhil băl lăm plei tih.