II Sam 15:10 - Sơ̆p Hlabơar Nơ̆r 'Bok Kei-Dei

¹⁰ Apsalôm kư̆m wơh lu bơngai năm tơ jơ̆p lăm lu adrĕch adrung Isơrael na pơkă khan: “Lăp 'nhŏng oh kơtơ̆ng re đe hlôm keng, lei athei wang ôr khan: ‘Apsalôm pơm pơtao tơ Hêbrôn!’ ”

II Sam 15:10 Referans Kwoze

I Ho 12:38

Lu bơngai 'nâu lu linh đei đon gơh hơgei kơ tơblah, đei jơhngơ̆m kơjăp nuih năm tơ Hêbrôn wă pôk Đawit pơm pơtao pơgơ̆r đĭ-đăng dêh char Isơrael. Đĭ-đăng lu bơngai Isơrael nai kư̆m dai minh jơhngơ̆m pôk Đawit pơm pơtao.

I Ho 12:23

'Nâu lu bơngai linh năm tơ Hêbrôn, wă ăn teh đak Sôl kơ Đawit, kiơ̆ thoi nơ̆r Kră Yang.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

II Pot 9:13

Lu sư wang hăt hot iŏk hơbĕn ao kơdih lơ̆k tơ ala jơ̆ng Jêhu lơ̆k rok lu kơnao kung. Đơ̆ng noh lu sư hlôm tơgiĕp păng ôr re khan: “Jêhu pơm pơtao!”

I Pot 1:34

Tơ noh bre 'bok soi Sadok hăm Nathan bơngai khan lê̆ adrol tuh đak rơmă 'bâu phu pôk sư pơm pơtao Isơrael, lu iĕm hlôm tơgiĕp na jreo re khan: Pơtao Sôlômôn arih sot!

II Sam 19:10

Na Apsalôm mă lu bơ̆n tuh boih đak pơgang 'bâu phu pôk pơm pơtao lu bơ̆n, dang ei lôch boih. Lei na, dang ei liơ lu bơ̆n ưh kơ pơma pơđâu pơtơm pơtao brŏk?”

II Sam 14:30

Apsalôm khan kơ lu đĭch đam sư: “Lăng bĕ to chŭn Jôap, mă đei pơtăm 'ba tơ'bâu, jê̆ chŭn inh; năm soh lê̆ bĕ chŭn sư noh.” Lu đĭch đam Apsalôm iŏk ŭnh soh hloi chŭn Jôap noh.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

II Sam 5:5

Tơ Hêbrôn, Đawit pơgơ̆r lu bơngai Juđa tơpơh sơnăm tơdrâu khei, păng tơ Jêrusalem, sư pơm pơtao pơgơ̆r đĭ-đăng Isơrael păng Juđa pêng-jĭt pêng sơnăm.

II Sam 2:11

Đawit oei tơ pơlei Hêbrôn pơgơ̆r lu adrĕch Juđa đei tơpơh sơnăm tơdrâu khei.

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 15:9

Pơtao tơl khan: “Kon năm mă 'lơ̆ng. Na Apsalôm iung, năm truh tơ Hêbrôn.”

I Pot 1:11

Na Nathan khan kơ Batsêba mĕ Sôlômôn. “Ih ưh kơ băt ôh hă Adonija kon drŏ-nglo yă Hagit pơm pơtao, mă Đawit pơtao bơ̆n kư̆m ưh kơ băt mơ̆n tơdrong noh hă?