II Sam 12:31 - Sơ̆p Hlabơar Nơ̆r 'Bok Kei-Dei

³¹ Sư kư̆m rôp kon pơlei lăm noh bơ̆jang kơ sư, jao ăn hơnuă, 'nhik, sung bơsei păng jang man gŏch; sư kư̆m pơm kơ đĭ-đăng lu pơlei bơngai Ammôn jang thoi noh. Đơ̆ng noh, Đawit păng lu linh sư wih brŏk đĭ tơ pơlei Jêrusalem.

II Sam 12:31 Referans Kwoze

I Ho 20:3

Sư chông ba lu kon pơlei đơ̆ng pơlei noh, ăn kơ lu sư bơ̆jang hăm hơnuă, hăm hơbol bơsei păng sung bơsei. Đawit pơm thoi noh kơ đĭ-đăng pơlei lu bơngai Ammôn. Đang kơ noh Đawit hăm đĭ-đăng kon pơlei sư wơ̆t brŏk tơ pơlei Jêrusalem.

Am 1:3

Kră Yang khan: Yua kơ đơ̆ng kon pơlei Đamas rai pơm yoch pơm yoch hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư pơjuă dêh char Gileat thoi đe preh 'ba păng kơmăi mam,

II Sam 8:2

Sư kư̆m blah bơngai Môap jei sư, rôp athei lu sư 'bĭch sap tơ teh na iŏk tơlei pơtŏ, mưh 'bar jăl tơlei pơlôch, minh jăl tơlei ăn arih, thoi noh bơngai Môap athei chu jang păng ăn thuê̆ kơ Đawit.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

I Ho 20:2

Đawit plôh iŏk môk pơtao đơ̆ng kơ̆l pơtao lu sư, trăp pêng-jĭt puăn kĭ maih, yơ̆l kơpal kơ̆l pơtao lăm môk pơtao noh tah găr tơmo gĭt, đe pơyơ̆l môk pơtao noh tơ kơpal kơ̆l Đawit, sư đei blah tơgar iŏk tơmam đơ̆ng lăm pơlei lơ dêh.

Je 43:9

“Dônh bĕ mă lu tơmo tih noh, na 'bŭ tơmo noh tơ lăm teh lơ̆n tơ lăm gŏch 'bơ̆t trong 'măng mơ̆t tơ hnam Pharaôn tơ pơlei Tahpanhes, 'bơ̆t anăp măt lu bơngai Juđa 'bôh.

Jôsuê 10:15

Jôsuê hăm lu linh Isơrael wih brŏk dơ̆ng tơ anih tơ Gilgal.

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.