II Sam 12:20 - Sơ̆p Hlabơar Nơ̆r 'Bok Kei-Dei

²⁰ Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

II Sam 12:20 Referans Kwoze

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Ru 3:3

Thoi noh ih năm 'nhao hơrao hơpĕch bĕ, pik đak pơgang 'bâu phu păng hrŭk hơbĕn ao mă 'lơ̆ng, na jur năm tơ anih preh 'ba sư kơplah sư sŏng sa tam mă đang ih 'nĕ ăn kơ sư 'bôh ih.

Mathiơ 6:17

Năr iĕm ơ̆t kơ por iĕm athei 'nhao muh măt kor sŏk mă 'lơ̆ng hơnơ̆ng,

Bôk Bơthô 9:8

Mă layơ ih kư̆m athei hrŭk hơbĕn ao kok 'nao ling-lang thoi năr et sa tih păng 'nĕ hiơt pik pơgang 'bâu phu kơpal kơ̆l ih.

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

II Sam 12:19

'Bôh lu đĭch sư pơma mơmơnh băl, pơtao Đawit sư băt kơ nge noh lôch boih, na sư jet: “Hăm trŏ kơ nge noh lôch boih?” Lu sư tơl: “Trŏ boih, nge noh lôch boih.”

II Sam 12:21

Lu đĭch đam sư jet: “Yua kơ kiơ ih pơm thoi noh. Lu nhôn ưh kơ băt hloi, kơplah nge noh oei arih, ih ơ̆t kơ sŏng sa păng nhơ̆m hmoi; wă 'bơ̆t sư lôch, ih iung păng sŏng sa.”

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

II Sam 19:24

Mephibôset sâu drŏ-nglo Sôl, kư̆m năm jur sơng pơtao, sư ưh kơ đei ôp jơ̆ng, yuă sŏk kang dah pih hơbĕn ao sư iŏk đơ̆ng năr pơtao yak năm truh tơ năr pơtao wih brŏk hiôk-hian.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Horiso 103:1

Ơ bơhngol inh, hơri bơnê bĕ kơ Kră Yang! Đĭ jơhngơ̆m hơri bơnê bĕ kơ anăn 'lơ̆ng rơgoh Sư!

Horiso 103:8

Kră Yang đei tơdrong 'mêm mơnat. Huay 'bônh kơ blĕk păng 'bĕnh kơ tơdrong 'mêm.

Tơdrông Pơđơk 3:7

'Nĕ lăng gơh hơgei kiơ̆ kơ măt kơdih, Mă-lei hli yom bĕ kơ Kră Yang, weh bĕ đơ̆ng trong kơnê̆.

I Sam 15:25

Dang ei, apinh ih mơnat kơ tơdrong yoch inh, jơ̆ inh dơ̆ng hăm wih kiơ̆ inh, na inh gô drap kơkuh 'bơ̆t anăp Kră Yang.

I Sam 15:31

Samuel wih jơ̆ dơ̆ng Sôl kiơ̆ thoi sư pơkă; na Sôl drap kơkuh kơ Kră Yang.