II Sam 12:13 - Sơ̆p Hlabơar Nơ̆r 'Bok Kei-Dei

¹³ Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 12:13 Referans Kwoze

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

Sa 3:4

Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

Luka 15:21

Sư khan hloi kơ 'bă sư: ‘Ơ 'bă ah, inh pơm yoch hăm 'Bok Kei-Dei păng yoch hăm ih, ưh kơ trŏ ih krao kơ inh kon dơ̆ng boih.’

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.

Lêwi 20:10

Tơdah bơngai bu pơm kư̆ kă hưch kơ akăn đe dah pơm kư̆ kă hưch kơ akăn rông 'bôt, bre sư noh đe gô pơlôch sư.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Êsai 44:22

Inh sŭt lê̆ bơih tơdrong lu iĕm pơm yoch nhen thoi sŭt lê̆ hơmơ̆l, tơdrong yoch lu iĕm nhen thoi tŭk. Wơ̆t brŏk bĕ tơ Inh, yua kơ Inh huai iŏk lu iĕm bơih.”

Êsai 43:24

Iĕm kư̆m ưh kơ đei iŏk jên răt kơ Inh 'long 'bâu phu ôh, kư̆m ưh kơ đei pơm kơ Inh hrăp lăp đon đơ̆ng rơmă tơmam soi sơmah. Mă-lei tă kơ tơdrong yoch iĕm dơ̆ng pơm kơ Inh pŭ trăp păng tơdrong kơnê̆ lu iĕm pơm kơ Inh ơh klai.

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Tơdrông Pơđơk 25:12

Bơngai hơgei chrih kơ đon bơngai oei mơ̆ng. Thoi gŏp maih, tơmam đe pơguăng păng maih ling.

Horiso 51:16

Yua kơ Ih ưh kơ wă tơmam soi ră mă-lei inh pơyơ̆r boih. Lu tơmam soi 'buh Ih kư̆m ưh kơ lăp đon.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Pot 1:9

Pơtao wơh hloi minh 'nu yŏng linh chông pơđăm-jĭt 'nu linh sư năm tơ Êli, kơplah noh Êli oei ngôi kơpal wĕch kông. Yŏng linh ei khan kơ sư: “Ơ bơngai mă Kră Yang 'Bok Kei-Dei yua, pơtao wă kơ ih jur.”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 13:4

Kơplah pơtao Jêrôbôam kơtơ̆ng bơngai đơ̆ng Kră Yang 'Bok Kei-Dei pơma ôr blah hăm chơnang soi tơ pơlei Bethel, na pơtao Jêrôbôam chro đơ̆ng chơnang soi yơ̆r ti păng khan: “Rôp sư bĕ!” Ti đêl sư chro tơhlâu tơ bơngai mă Kră Yang 'Bok Kei-Dei yua 'noh Kră Yang pơm kơ ti sư arăng kro hloi, ưh pă gơh kơchôt dơ̆ng.

I Sam 15:20

Sôl tơl nơ̆r Samuel: Mă-lei inh pơm kiơ̆ nơ̆r Kră Yang khan, inh năm pơm keh boih nơ̆r tơtă Kră Yang wơh inh năm pơm; inh chĕp ba Agak, pơtao bơngai Amalek păng pơlôch pơđĭ lu kon pơlei Amalek.

Lêwi 24:17

Bu mă pơlôch minh 'nu bơngai, đe gô pơlôch sư mơ̆n.

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

I Ho 21:8

Đawit hơdrĭ 'bơ̆t anăp Kră Yang 'Bok Kei-Dei na khan: “Inh pơm yoch tih dêh bơih inh pơm tơdrong âu. Apinh ih 'nĕ jô̆ kơ tơdrong yoch đơ̆ng đĭch đam Ih, yua kơ inh pơm hăm tơdrong kơhlôh dêh.”

Horiso 103:12

Gah hơlĕch ataih đơ̆ng gah bơmơ̆t dang yơ, Na Sư kư̆m hŭt lê̆ dôm yoch glăi lu bơ̆n ataih dang noh mơ̆n.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

Horiso 51:6

Âu, Ih wă kơ 'bôh đei tơdrong tơpăt tơ lăm jơhngơ̆m Ih pơhrăm inh đei tơdrong hơgei mă hlơp lăm jơhngơ̆m.