II Sam 10:14 - Sơ̆p Hlabơar Nơ̆r 'Bok Kei-Dei

¹⁴ Wă lu linh Ammôn 'bôh lu linh Siri kơdâu, na lu sư kư̆m kơdâu weh 'bơ̆t anăp Abisai, păng mơ̆t ôn lăm pơlei. Jôap weh ưh pă blah lu linh Ammôn na hơlơ̆k brŏk tơ pơlei Jêrusalem.

II Sam 10:14 Referans Kwoze

II Sam 8:12

Đơ̆ng lu bơngai Eđôm, Môap, Ammôn, Philistin, bơngai Amalek păng sư kư̆m pơm thoi tơmam blah iŏk đơ̆ng Hadadêser kon tơdăm Rêhôp, pơtao đe Sôba.

II Sam 10:15

Lu linh Siri 'bôh sư blah jei lu linh bơngai Isơrael, na pơtơm akŭm pơpôi băl dơ̆ng.

II Sam 11:1

Lăm bơyan puih lu pơtao juăt kơ năm tơblah, Đawit wơh Jôap hăm lu đĭch đam sư păng đĭ-đăng lu linh bơngai Isơrael năm tơblah; lu sư tơgar iŏk dêh kon pơlei Ammôn păng wang tăp kơ pơlei Rapba. Gah pơtao Đawit oei lăm pơlei Jêrusalem.

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

II Sam 20:6

Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

II Sam 22:38

Inh druh pơrăm khŭl ayăt, đơ̆ng rŏng kơ pơlôch lê̆ lu sư 'mơ̆i na inh gơh brŏk.

I Ho 18:12

Abisai kon drŏ-nglo Sêruia pơlôch mơjĭt-tơhngam rơbâu lu bơngai Eđôm lăm Thŭng dơnă 'Boh.