II Pot 8:7 - Sơ̆p Hlabơar Nơ̆r 'Bok Kei-Dei

⁷ Êlisê năm truh tơ pơlei Đamas. Kơplah noh Ben Hadat pơtao Aram jĭ. Đei bơngai roi ăn kơ pơtao khan: “Bơngai Kră Yang 'Bok Kei-Dei yua, 'nao truh tơ âu.”

II Pot 8:7 Referans Kwoze

II Pot 6:24

Đơ̆ng rŏng kơ lu tơdrong noh, Ben Hadat, pơtao đe Aram, pơpôi akŭm đĭ-đăng lu linh sư năm wang pơlei Samari.

I Pot 11:24

Kơplah Đawit pơlôch linh pơtao Sôba, na Rêson krao akŭm lơ bơngai kiơ̆ sư, na sư pơm yŏng pơgơ̆r lu linh tơklah 'noh, năm truh tơ pơlei Đamas oei tơ noh na pôk sư kơdih pơm pơtao plei Đamas.

I Pot 20:1

Ben Hadat pơtao dêh char Siri, sư krao akŭm đĭ-đăng lu linh sư; đei pêng-jĭt 'bar 'nu pơtao kiơ̆ sư. Aseh păng gre aseh kư̆m lơ, lu sư tŏk năm wang Pơlei Samari păng blah.

Jang 17:6

Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

I Pot 20:34

Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

I Pot 15:18

Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

Lu 16:2

Lu kon pơlei Gasa: Chă tơroi dih băl Samsơn truh tơ âu boih. Lu sư wang tăp dăr kơ anih noh, lu sư răp prăt măng 'bơ̆t 'măng jang; lu sư oei hreh prăt măng, lu sư khan: Bĕ bơ̆n răp truh tơ hơdah na bơ̆n gô rôp pơlôch sư.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Bl 14:15

Thoi noh Abram klah asong lu đam sư, wơh năm wang lu linh ayăt kơmăng blah puh truh tơ teh đak Hôba gah yă-nơ̆m kơ pơlei Đamas.

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 8:6

Pơtao jet hloi duch ei, na duch ei roi ăn kơ sư tơdrong noh. Đơ̆ng noh pơtao athei minh 'nu kuan krao pơma tơgŭm ăn, pơtao khan: “Pơdrâu ăn kơ duch âu dôm tơmam sư noh bĕ păng đĭ-đăng phe 'ba đơ̆ng chŭn mir sư, iŏk đơ̆ng sư jăk đơ̆ng dêh 'nâu sơ̆ khơ̆ kơ dang ei.”

Je 40:5

Jêrêmi oei tam mă drơ̆ng Nebusaradan khan dơ̆ng: “Dah ih wă brŏk oei hơdai hăm Gêđalia kon drŏ-nglo Ahikam sâu Saphan bơngai mă pơtao Babilôn pôk sư pơm yŏng lu pơlei lăm dêh char Juđa, oei hơdai bĕ hăm lu kon pơlei, dah wă năm oei tơ yơ, ih kư̆ năm tơ noh.” Đơ̆ng noh 'bok yŏng linh ăn kơ sư tơmam lăng jơ̆ng ti tơmam sa na lê̆ sư yak năm.