II Pot 7:9 - Sơ̆p Hlabơar Nơ̆r 'Bok Kei-Dei

⁹ Kơplah ei, lu sư pơma dơnuh băl khan: “Bơ̆n pơm thoi âu ưh kơ trŏ; năr âu đei tơdrong 'lơ̆ng tơdrong 'nă hal, dah bơ̆n wă thĕng đĕch, dĭng 'brưch pơgê hơdah, lei lu bơ̆n gô glăi, bĕ bơ̆n jah năm roi tơdrong 'nâu kơ pơtao.”

II Pot 7:9 Referans Kwoze

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Philip 2:4

Iĕm athei pơhiôk jơhngơ̆m đe mơ̆n, 'nĕ kơ pơhiôk jơhngơ̆m kơdih đĕch ôh.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Êsai 41:27

Inh bơih mă adrol hloh roi kơ Siôn khan: “Lăng, lu sư âu!” Inh gô wơh minh 'nu rup Yang năm roi tơdrong 'nao 'lơ̆ng tơ plei Jêrusalem.

II Pot 7:3

'Bơ̆t 'măng dur đei puăn 'nu bơngai jĭ chin, lu sư pơma dơnuh băl: “Bơ̆n hrăn ngôi kơ kiơ 'bơ̆t dâu dĭng truh kơ lôch?”

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Luka 2:10

Linh jang 'lơ̆ng khan kơ lu sư: “Iĕm 'nĕ kơ hli, yua kơ inh wă roi kơ iĕm tơdrong 'lơ̆ng, tơdrong mă đĭ-đăng kon bơngai 'nă hal.

Tơdrông Pơđơk 24:16

Yua kơ bơngai tơpăt mă sư pơ̆k tơpơh wơ̆t ră, Mă-lei gô iung dơ̆ng; Mă-lei bơngai pơm kơnê̆ gô pơrăm hăm pơmat-tat.

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

II Pot 7:8

Lăp lu bơngai jĭ chin truh 'bơ̆t anih ei, lu sư mơ̆t sŏng sa lăm ei, thoi noh, lu sư iŏk hu, maih păng hơbĕn ao năm ôn lê̆. Lu sư wơ̆t mơ̆t lăm anih nai dơ̆ng tơ ei, kư̆m iŏk dôm lu mŭk tơmam na chĕp năm ôn lê̆ dơ̆ng,

II Pot 7:10

Na lu sư năm hloi, krao lu linh gak 'măng dur pơlei, roi kơ lu sư: “Nhôn năm truh tơ kơđông linh Aram, rơhiăng ưh kơ 'bôh bơngai bu, kư̆m ưh kơ đei kơtơ̆ng 'bơ̆r bu mơ̆n, 'bôh lăp lu aseh, lu aseh iĕ oei chô̆ păng lu bơsŭn achăng lê̆ thoi so.”

II Pot 5:4

Thoi noh Naaman mơ̆t roi kơ pơtao, yŏng tơ'ngla sư dôm nơ̆r drŏ-kăn 'lơ̆p bơngai Isơrael.