II Pot 4:27 - Sơ̆p Hlabơar Nơ̆r 'Bok Kei-Dei

²⁷ Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

II Pot 4:27 Referans Kwoze

II Sam 7:3

Nathan tơl pơtao khan: “Pơm bĕ kiơ̆ kơ jơhngơ̆m ih tơchĕng, yua kơ Kră Yang oei hơdai ih.”

Bl 18:17

Kră Yang khan lăm to thoi âu: “Liơ Inh wă ôn kơ Abraham dôm tơdrong kiơ inh wă pơm?

Mathiơ 15:23

Mă-lei Yêsu ưh kơ tơl sư. Na lu bơngai pơhrăm păng Sư khan kơ Sư thoi âu: “Apinh Ih jah tơgŭm sư, na sư jah brŏk, sư kiơ̆ bơ̆n nŏng kơ pơma 'bơ̆r re.”

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Tơdrông Pơđơk 18:14

Jơhngơ̆m hơđơ̆ng kĕ chơ̆n đơ̆ng jĭ jăn; Mă-lei tơdah đei hiong tơdrong hơmĕng liơ kĕ chơ̆n.

Tơdrông Pơđơk 14:10

Jơhngơ̆m bơ̆n đĕch băt jĭ kơ tơdrong yoch kơdih akâu, 'Nâu ưh kơ đei bu gơh klah asong tơdrong chơt hiôk kơ bơ̆n.

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

II Pot 4:25

Thoi noh, duch ei năm truh tơ Êlisê bơngai mă Kră Yang 'Bok Kei-Dei yua, tơ kông Karmel. Êlisê tơmang 'bôh duch ei đơ̆ng ataih, na sư khan kơ Gêhasi, bơngai đam sư: “To bơngai drŏ-kăn Sunem truh tơ âu.”

I Sam 1:10

Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.

Yo 4:27

Kơplah noh blư 'bôh hloi lu bơngai pơhrăm păng Sư wih. Lu sư 'bôh Yêsu pơma dơnuh păng duch noh lu sư pơwao hlĭch. Mă-lei lu sư ưh kơ jet Yêsu khan: “Ih pơma kiơ?” Dah: “Kơlih kơ kiơ Ih pơma dơnuh păng duch âu?” Lu sư ưh kơ đei jet pơma thoi noh ôh.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Markôs 14:6

Na Yêsu khan kơ lu sư: “Lê̆ sư pơm thoi noh bưh, iĕm mah hil kiơ kơ sư? Sư pơm kơ Inh thoi noh trŏ boih.

Markôs 10:13

Đe anhăk ba lu hơ'lơ̆p tơ Yêsu wă kơ Sư pel kơ̆l krao khan kơ 'Bok Kei-Dei apinh Sư wei-lăng lu sư. Mă-lei lu bơngai pơhrăm păng Sư khă kuă ăn năm tơ Sư.

Mathiơ 28:9

Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Mathiơ 20:31

Lu bơngai tơpôl ei khă bre sư kuă ăn krao dơ̆ng ră, mă-lei bre sư rai krao 'bơ̆r re: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

II Pot 4:26

Ih kơdâu sơng sư năm! Păng ih jet sư: “Hăm oei hiôk 'lơ̆ng ngăl ưh? Klo ih hăm oei hiôk 'lơ̆ng ưh? Kon ih hăm oei hiôk ưh?” Duch ei tơl: “Oei hiôk 'lơ̆ng mơ̆n!